13 aqpan kúni qańtar oqıǵasynyń 40 kúndigine oraı ótken qaraly mıtıńke qatysqan belsendi Marat Turymbetov polısıaǵa jetkizilip, kásipker Bolat Ábilov polısıaǵa shaqyryldy.

Belsendi Álnur Iláshevtyń sózinshe, Marat Turymbetov Túrkisib aýdany polısıa basqarmasyna jetkizilgen.

Aıtýynsha, belsendiniń ústinen qaraly mıtıńke qatysqany úshin ákimshilik is qozǵalǵan.

KazTAG saıty saıasatker, bıznesmen Bolat Ábilov polısıaǵa shaqyrylǵanyn habarlady.

"Meni Bostandyq aýdany polısıa bólimine ákimshilik buzýshylyq boıynsha shaqyryp jatyr. 09:00-de shaqyrýdy keıinge qaldyrdy" degen Bolat Ábilov KazTAG agenttigine.

Buǵan deıin 13 aqpandaǵy mıtıńke qatysqan saıasatker, tirkelmegen Demokratıalyq partıa jetekshisi Janbolat Mamaı ákimshilik kodekstiń 488-bap 7-bólimi (beıbit jıyn tártibin buzý), boıynsha 15 táýlikke qamalǵan. "Dempartıa" ókili Abzal Dostıarovty da polısıa shaqyrǵan. Ol Alataý aýdany polısıa basqarmasymen jýyrda qaıtys bolǵan qaryndasynyń qyrqyn ótkizgennen keıin keletin bolyp kelisken.