Kıev oblysyndaǵy Kalınovka aýyldyq eldimekeni Reseıdiń Kıevke basqynshylyǵy kezinde tank oǵy men zymyran astynda qalyp, qırandyǵa aınalǵan ýkraınalyq derevnálardyń biri.

Galına Shıbka men kúıeýi Nıkolaı Petrovıchtiń úıi shabýyl kezinde aman qalǵan. Alaıda terezeleri shaǵylǵan. Úńireıgen terezelerin selofanmen, faner aǵashtarmen qaptap, qymtap álek. Kezekti soqqyǵa osylaı daıyndalyp jatyr.

Ómir men ólim arasynda júrse de, 50 jyldan beri turyp kele jatqan "jerimizden eshqaıda ketpeımiz, osy jerde ólemiz" deıdi. "Biz eshkimge jamandyq jasamadyq" degen olar qudaıǵa kúnde jalbarynady. Júrekterin zil batpan aýyrlyq basqan. Kún sýyq, turatyn jer joq. Taǵy da soqqy bola ma, joq pa ol jaǵyn eshkim bilmeıdi. 

Reseı tarapy Ýkraınadaǵy "arnaıy operasıa" kezinde beıbit turǵyndardyń ómirin saqtaý úshin bárin istep jatqanyn, soqqy asqan dáldikpen tek áskerı nysandarǵa ǵana jasalyp jatqanyn aıtady.

BUU soǵystyń sozyla túsýine baılanysty aldaǵy úsh aıda Ýkraına halqynyń úshten birine kedeıshilik qaýpi tónýi múmkin ekenin málimdep otyr.

Derekkóz: VVS-diń orys qyzmeti