Ulybrıtanıanyń densaýlyq saqtaý mınıstri Sadjıd Djavıd Reseı prezıdenti Vladımır Pýtınniń "ótirikshi" ekenin aıtty. 

BBC-ge suhbat bergen ol Reseıdiń áskerı kúsh-qýatyn atap ótip, Batys qazirgi ýaqytta jaǵdaıdyń qaıda bara jatqany týraly shynaıy bolýy kerektigin jetkizdi.

"Osy kezde Reseı men Pýtındi shekteýdiń qandaı da bir jolyn tappaı, jaǵdaı odan saıyn nasharlaı túsedi dep alańdaımyn" dedi Djavıd.

"Reseılikterge senýge bolmaıtyn sıaqty, ásirese prezıdent Pýtın – biz biletin ótirikshi. Ótirikter men faktini ajyratý qıynǵa soǵatynyn bilemiz... Men ishki ister mınıstri retinde óz tájirıbemnen alyp aıtsam... Solsberıge zańsyz hımıalyq qarýmen jasalǵan shabýyl týraly máselelermen aınalysqan kezde reseılikterdiń bastan aıaq ótirik aıtqanyn bilemin" dedi ol.