"China Eastern Airlines" áýe kompanıasyna tıesili bortynda 132 adam bar qytaılyq "Boeing 737" ushaǵy Kýnmın qalasynan Gýanchjoýǵa ushyp bara jatyp, Gýansı provınsıasynda qulap, órtenip ketti.

Apat saldarynan tiri qalǵandar joq dep boljanyp otyrǵanymen, zardap shekkender sany men apattyń sebebi ázirge belgisiz.

Qytaılyq áýe kompanıalarynyń jalpy qaýipsizdik kórsetkishteri jaqsy: sońǵy iri apat 12 jyl buryn bolǵan.

Apat ornyna 600-den astam tótenshe jaǵdaı qyzmetkeri jetti, dep habarlady memlekettik BAQ.

Oqıǵa ornyna birinshi jetken órt sóndirýshiler ushaq apatynan týyndaǵan órtti sóndirip úlgerdi, dep habarlady CCTV.

Qytaıdyń áleýmettik jelilerinde jergilikti aýyl turǵyndary túsirgen apattan shyqqan órt pen tútin, jerdegi ushaq qaldyqtary beınelengen kadrlar tarap ketti.