Konsert bazarda, temirjol vokzalynda jáne saýda oıyn-saıyq keshenderi men qarttar úıinde ótti.

Ánshiler ulttyq kıimmen Kók bazarǵa baryp, satýshylarǵa án salyp, birge bı bıleý arqyly bazar qyzmetkerlerin qýantyp, merekelik kóńil-kúı syılady.

Ónerpazdar budan bólek qarttar úıindegi ata-ájelerdi naýryz merekesimen quttyqtap bardy. Vıdeodan qarttardyń qýanǵany júzderinen kórinip tur.

Merekelik tosynsyı alystaǵy aýylyna asyqqan stýdentter men týystaryna jol tartqan jolaýshylar jınalǵan Almaty-2 temirjol vokzalynda jalǵasty. Vokzalǵa saý ete qalǵan ánshilerdiń áni qartaıǵan qarttyń da, kishkentaı balanyń da ezýine kúlki úıirdi.

Impravızasıalyq is-shara uıymdastyrýshylary qaladaǵy birneshe aýlaǵa da bas suqty.

"Biz tosynnan paıda bolyp, kópshilikke án aıtyp, kolardy kúldirip, qýanysh syılaǵymyz keldi. Bul qolymyzdan keldi de. Bizdi árister de qoldady" deıdi uıymdastyrýshylardyń biri.