Almaty ákimi Erbolat Dosaev zıaly qaýym ókilderimen kezdesti. Kezdesý barysynda qala basshysy adamı kapıtaldyń joǵary sapasyn, onyń ishinde Almatynyń ǵylymı, shyǵarmashylyq jáne mádenı áleýetiniń zor ekenin atap ótti.

Kezdesýge barlyǵy 40-tan astam óner, mádenıet jáne ǵylym qaıratkerleri, sonyń ishinde teatr jáne kıno, estradalyq jáne halyq mýzykasy, ádebıet, beıneleý, monýmenttik jáne qoldanbaly óner, mýzeıtaný, sáýlet jáne t.b. ókilderi qatysty.

Almaty ákimi kezdesýge qatysýshylarǵa Qazaqstan mádenıetine qosqan úlesteri úshin alǵysyn bildirdi, sondaı-aq shyǵarmashylyq zıaly qaýymnyń jastardy adamgershilikke tárbıeleýdegi jáne óner men ádebıet arqyly qoǵamǵa joǵary jalpyadamzattyq qundylyqtardy sińirýdegi mańyzdy róli men mańyzyn atap ótti.

Eki saǵattan astam ýaqytqa sozylǵan kezdesý barysynda zıaly qaýym ókilderi óner men ádebıettiń damý deńgeıi, shyǵarmashylyq sheberhanalardy uıymdastyrý qajettiligi, dástúrli mýzykany damytý, qala mýzeılerin jańǵyrtý jáne t. b. ózekti máselelerdi kóterdi.

Erbolat Dosaev Almaty elimizdiń mádenı jáne ǵylymı ortalyǵy bolyp tabylatynyn, sondaı-aq shyǵarmashylyq jobalardy iske asyrýǵa járdemdesýge jáne jalpy óner men mádenıetti damytýǵa kóńil bólýge daıyn ekenin aıtty.

Qala ákimi shyǵarmashylyq ıntellıgensıa ókilderine olardyń ıdeıalary úshin alǵysyn bildirdi, sondaı-aq atqarylǵan jumystardyń nátıjeleri jáne utymdy pikirlermen almasý úshin osyndaı kezdesýlerdi turaqty negizde ótkizýdi usyndy.