Brıtanıalyq GCHQ barlaý qyzmetiniń basshysy Djeremı Flemıng jańa barlaý derekteri Ýkraınadaǵy reseılik keı sarbazdar buıryqty oryndaýdan bas tartyp, óz tehnıkalaryn búldirip, tipti kezdeısoq ózderiniń ushaqtarynyń birin atyp túsirgenin kórsetti dep málimdedi. Bul týraly Reuters jazdy.
– Pýtın sıtýasıaǵa baǵa berýde qatty qatelesti. Biz tipti keńesshileri Pýtınge shyndyqty aıtýǵa qorqyp otyr dep sanaımyz, – dedi ol Avstralıa ulttyq ýnıversıtetindegi sózinde.
Sondaı-aq ol jańa barlaý derekteri reseılik jaýyngerlerdiń moraldyq rýhy tómen, kerek-jaraqpen qamtamasyz etilýi nashar bolǵany anyqtaǵanyn atap ótti.
– Biz qarýy, áskerı rýhy joq reseılik jaýyngerlerdiń buıryqty oryndaýdan bas tartyp, óz qarýlaryn búldirip, tipti ushaqtaryn atyp túsirgenin kórdik, – deıdi Flemıng.
Reseıdiń qorǵanys mınıstrligi bolsa, qarýly kúshteri professıonal ekenin, Ýkraınada ózine júktelgen mindetti sátti oryndap jatqanyn, Batys Reseıdiń jeńilgenin qalap operasıa týraly jalǵan aqparat taratyp otyrǵanyn aıtady.
AQSH baǵalaýyna saı, Reseıdiń nysanaǵa dál tıetin zymyrandarynyń keıbiriniń isten shyǵýy 60 paıyzǵa jýyqtaıdy.
AQSH pen Eýropanyń resmı tulǵalary soǵystaǵy Reseıdiń jaǵdaıy asa máz emes ekenin, batystyq sanksıalardyń joıqyn kúshi baryn aıtýǵa qorqatyn keńesshileri Pýtındi jańylystyryp otyr deıdi.
Pikir qaldyrý