– Búgingi tańda Qazaqstanda 101 myńnan astam reseılik bar. Onyń ishinde 6 350 reseılik jyl basynan beri jumys isteýge keldi, – dedi vıse-mınıstr.

Birjanov ótken jyly Qazaqstanǵa jumys boıynsha 18,8 myń RF azamaty kelgenin atap ótti. Onyń pikirinshe, kórshiles elden halyqtyń úlken aǵyny áli baıqalmaıdy.

– Sondaı-aq, jaǵymdy jaqtary da bar. Joǵary bilikti mamandar, iri IT-kompanıalar keledi. Máselen sol InDriver kompanıasy Qazaqstanda óz ókildigin ashady. Eger buryn kóp aqsha tólenip semınarlar uıymdastyrylsa, qazir kompanıalar ózderi kelip, qazaqstandyqtardyń biliktiligin arttyrý jedeldeıdi. Kompanıalardy ashqan kezde jumys oryndary paıda bolady. Biz kez kelgen jaǵdaıda qansha adam kelgenin, qandaı maqsatta, ne istep jatqanyn, merzimderdi oryndap jatqanyn baqylaýda ustaımyz, – dedi Birjanov.