Sheshenstan prezıdenti Ramzan Qadyrov respýblıkada mobılızasıa bolmaıtynyn habarlady. Onyń aıtýynsha, Sheshenstan bul jospardy 254 paıyzǵa artyǵymen oryndaǵan, dep jazdy Nastoıashee Vremá basylymy.

Qadyrov Ýkraınaǵa qarsy soǵysqa 20 myń sheshen sarbazy qatysqanyn aıtty. Alaıda 254 paıyzǵa artyǵymen oryndaǵan jospardyń qandaı ekenin naqtylamady. Artynsha Qadyrov Telegram-arnasynda Qorǵanys mınıstrliginiń jańa bólimsheleri qurylýynyń arqasynda atalǵan kórsetkishke erterek qol jetkizilgenin jazdy.

"Bul mehanızm ishinara mobılızasıalaý jarıalanǵanǵa deıin josparlandy. Budan bólek qajet jaǵdaıda respýblıkada Otan aldyndaǵy boryshyn óteýge daıyn 1000-ǵa jýyq erikti bar", dedi Sheshenstan prezıdenti. 

Qadyrov sondaı-aq 21 qyrkúıekte áıelder Groznyıda ótkizbek bolǵan mobılızasıalaýǵa qarsy mıtıń jóninde de pikir bildirdi. Qadyrov mıtıńke qatysqan 40 turǵynnyń týystary mobılızasıalaý kezinde áskerge jiberilgenin jetkizip, mıtıńke qatysatyn kez kelgen turǵynnyń kúıeýi men bala-shaǵasyn áskerdiń aldyńǵy qataryna qoıatynyn aıtyp, qorqytty.