Almatydaǵy stýdentter sesıany erte tapsyryp, úılerine erterek qaıtyp jatyr. Ǵylym jáne joǵary bilim mınıstrligi ǵylym komıtetiniń tóraǵasy Darhan Ahmed-Zákı munyń sebebin túsindirdi.
Komıtet tóraǵasy jýrnalıserdiń "bul jaǵdaı 16 jeltoqsanda qańtar oqıǵasy qaıtalanbas úshin jasalyp jatyr ma" degen suraǵyna naqty jaýap bermedi.
Darhan Ahmed-Zákı stýdentterdiń erterek sesıa tapsyrýyn oqý baǵdarlamasymen jáne josparymen baılanystyrdy.
"Bul oqý úrdisin uıymdastyratyn komıtetterdiń quzyrynda. Árbir joǵary oqý ornynyń óz jospary, baǵdarlamasy bar. Jaýapty mamandar jaqynda málimet beredi. Mundaı tájirıbe kovıd kezinde de boldy. Suraqtaryńyz bolsa, jazyńyzdar. Bizdiń komıtet jaýap beredi" dedi Darhan Ahmed-Zákı.
Almatyda 16 jeltoqsan qarsańynda túrli belsendiler halyqty mıtıńke shyǵýǵa úndep, ýnıversıtet basshylyǵy stýdentterdi úılerine qaıtarý qalada bolatyndarǵa eshqaıda shyqpaý týraly qolhat jazdyryp alý dástúrge aınalyp ketti. Kópshilik muny bılik Jeltoqsan, Jańaózen oqıǵalary bolǵan 16-17 jeltoqsan kúnderi saıası kúshterdiń belsendiligi narazylyq aksıalaryna aınalyp ketpesin dep saqtaný úshin jasaıdy degen pikirde.
Pikir qaldyrý