Almaty oblysy Qarasaı aýdandyq sotynyń úkimimen "Qazaq Ulttyq Qyzdar Pedagogıkalyq Ýnıversıtetiniń" burynǵy rektory, basqarma tóraǵasy G.Aldambergenova, rektordyń keńesshisi Q. Qojantaev (Aldambergenovanyń týǵan aǵasy) jáne "Azamattarǵa arnalǵan úkimet "Memlekettik korporasıasy" KEAQ fılıaly Qarasaı Jer kadastry jáne jyljymaıtyn múlik bóliminiń basshysy A. Jýrýnov kináli dep tanylyp, 7 jylǵa bas bostandyǵynan aıyryldy, dep habarlady Sybaılas jemqorlyqqa qarsy qyzmet.

Sol úkimmen Qarasaı bólimi basshysynyń orynbasary D. Jumadil men bólim mamany E. Kemal shartty túrde 7 jylǵa bas bostandyǵynan aıyrylǵan.

Barlyq sottalǵandarǵa memlekettik qyzmette qyzmet atqarý quqyǵynan ómir boıyna aıyrý túrindegi jaza qoldanylǵan.

"Tergeý barysynda sottalǵandardyń bógde tulǵalarǵa zańsyz resimdelgeni, ýnıversıtettiń 9 ga jer ýchaskesin bólip jáne adal satyp alýshylarǵa satqany dáleldendi. Nátıjesinde ýnıversıtetke 95,5 mıllıon teńge shyǵyn keltirildi" delingen antıkor habarlamasynda.