Reseılik jýrnalıs Leonıd Mlechın "Qaıǵyly qańtar: Prezıdent Toqaev jáne sabaq shyǵarý" kitabynda qańtar oqıǵasy kezinde kúsh qurylymdary prezıdent Q.Toqaevty aqparattan oqshaýlap, burys derekter berdi dep jazǵan.

Jýrnalısiń jazýynsha, kúsh qurylymdary prezıdentti 4-6 qańtar kúnderi aqparattyq ızolásıada ustap, úreı týdyrý úshin tártipsizdik aýqymy men oblys ortalyqtaryna shabýyl jasaýshylar sanyn kóbeıtin jetkizgen. Tipti Aqordaǵa shabýyl jasaý týraly jospar bary týraly da aıtqan.

Leonıd Mlechın Toqaevtyń eskertýsiz oq atý týraly buıryǵy osyndaı alasapyran jaǵdaıda shyqty, alaıda ol buıryq tótenshe jaǵdaı talabyna baǵynbaǵan qaskóılerge baǵyttalǵan edi, al sol kezde qorǵanys mınıstrligin basqarǵan Murat Bektanov ókiletin asyra paıdalanyp, kúshti orynsyz qoldandy" deıdi.

Beıbit demonstranttardyń oqqa ushýyn qazir qamaýda otyrǵan eks-mınıstrge jaba sóılegen jýrnalıs búgingi kún kózimen qaraǵanda prezıdent durys sheshim qabyldap, eldi haostan aman alyp qaldy dep sanaıdy. Sondaı-aq ol Toqaev qańtar oqıǵasynan durys sabaq shyǵardy, prezıdenttiń kóptegen ókiletinen bas tartý arqyly jeke dıktatýra rejıminen ketýdi bastady degendi aıtady.

Jýrnalıs áleýmettik jelide áldekimder Kárim Másimovty tergeý barysynda Nursultan Nazarbaev qaıtadan prezıdent bolyp 3 jyl otyrýdy josparlaǵany, Kárim Másimovke sheksiz múmkindik bere otyryp premer-mınıstr laýazymyn ýáde etkeni týraly belgili bolǵanyn aıtyp júr deıdi. Biraq naqty derekkózdi kórsetpeıdi.

Derekkóz: KazTAG saıty