"Otbasy bank" AQ basqarma tóraǵasy Lázzat Ibragımova jyljymaıtyn múlik naryǵynda keler jyly 2 trend baıqalýy múmkin ekenin aıtty.
Birinshisi, alǵashqy naryq pen qaıtalama naryqtaǵy baǵa bólinip, eki túrli trend baıqalýy múmkin. Lázzat Ibragımovanyń sózinshe, búkil álemde jańa úıler eski úılerge qaraǵanda qymbatyraq júredi. Al Qazaqstanda qos naryq bir-birimen óte tyǵyz baılanysta.
"Ornalasqan jerine baılanysty 1963 jylǵy úı baǵasy ekonomıkalyq, qarjylyq alǵysharttar joǵyna, ártúrli qurylys materıaly, tehnologıa, sáýlet stıli qoldanylǵanyna, aýlalardyń, alańqaılardyń ártúrliligine qaramastan, 2021 jylǵy úı baǵasymen birdeı bolýy múmkin. Menińshe, 2023 jyly eki naryq bólinip, baǵa ártúrli bolady" deıdi sarapshy.
Lázzat Ibragımova jyljymaıtyn múlik naryǵyndaǵy ekinshi trend retinde qaıtalama naryqtaǵy baǵanyń qatty qulaı qoımaıtynyn, jańa úıler qymbattaı túsýi yqtımal ekenin aıtady.
Satýshylar páterin oıyndaǵy baǵaǵa ótkizý úshin páter satýǵa asyqpaýy qaıtalama naryqtaǵy baǵanyń qatty ózgermeýine ákeledi.
"Al alǵashqy naryqta qazir usynys azaıǵany baıqalady. Salynyp jatqan jańa nysandar kóp emes. Aldaǵy 18 aıda qurylysshylar páterlerdi tezirek satý úshin jeńildik jasaıdy,. Bul ortasha merzimde alǵashqy naryqtaǵy baǵany ósiredi" deıdi "Otbasy bank" AQ basqarma tóraǵasy.
Derekkóz: informburo.kz
