Jambyl oblysynyń burynǵy ákimi jáne "Qazselqorǵaý" memlekettik mekemesiniń basshysy Kárim Kókirekbaev ustaldy, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmeti. 

Agenttiktiń baspasóz qyzmeti Jambyl oblysynyń burynǵy ákimi jáne «Qazselqorǵaý» memlekettik mekemesiniń basshysy Kárim Kókirekbaevtyń qamaýǵa alynǵanyn rastady dep jazady QazAqparat. Aıta ketsek, ázirge eks-ákimniń qamaýǵa alynýyna qatysty istiń mán-jaıy belgisiz. 

Ulysmedia.kz saıtynyń habarlaýynsha, Kárim Kókirekbaevtyń "BAZIS CONSTRUCTION" - "INFR" JSHS fılıalynyń dırektorynan shamamen 800 myń dollar kóleminde para alý kezinde ustalǵan. 

Eske salaıyq, Kárim Kókirekbaev ár jyldary Jambyl oblysy Moıynqum aýdanynyń ákimi, Tabıǵı resýrstar jáne qorshaǵan ortany qorǵaý vıse-mınıstri, "EırQazaqTýr" JSHS-niń bas dırektory, "Qazaqstan temir joly" Ulttyq kompanıasynyń vıse-prezıdenti, basqarýshy dırektory, damý jónindegi vıse-prezıdenti, bas ınjeneri bolyp qyzmet etken. Jambyl oblysy ákiminiń orynbasary, Jambyl oblysy ákimniń birinshi orynbasary laýazymynda boldy.

2018 jyldyń qańtaryna deıin Jambyl oblysynyń ákimi qyzmetin atqardy. Sol jyly aqpanda memleket basshysynyń jarlyǵymen Qyrǵyz Respýblıkasyndaǵy Tótenshe jáne ókiletti elshisi qyzmetine taǵaıyndalǵan edi.

2019 jyldyń tamyzynda "Qazselqorǵaý" MM basshysy bolyp taǵaıyndaldy.