Aqerke Ahmetova ádilet vıse-mınıstri qyzmetinen bosatyldy. Bul týraly primeminister.kz saıty habarlady.

"QR Úkimetiniń qaýlysymen Aqerke Estaıqyzy Ahmetova basqa jumysqa aýysýyna baılanysty QR ádilet vıse-mınıstri qyzmetinen bosatyldy", - delingen habarlamada.

Aqerke Ahmetova 1975 jyly Almaty qalasynda týǵan. Sh. Ýálıhanov atyndaǵy Kókshetaý pedagogıkalyq ınstıtýtyn, E.A. Bóketov atyndaǵy Qaraǵandy memlekettik ýnıversıtetin, Kókshetaý ýnıversıtetin, QR Prezıdenti janyndaǵy Memlekettik basqarý akademıasyn, Bolashaq baǵdarlamasy boıynsha Ulybrıtanıanyń Sheffield ýnıversıtetin bitirgen.

Eńbek jolyn 1991 jyly bastaǵan. Túrli jyldary komersıalyq salada jumys istegen.

2000 jyldan bastap QR Ádilet mınıstrliginiń qurylymynda jumys isteıdi. Bas maman, halyqaralyq kelisimsharttar jobalaryn saraptaý bóliminiń basshysy, Departament dırektorynyń orynbasary qyzmetterin atqarǵan.

2015-2017 jyldary - QR Ádilet mınıstrliginiń Halyqaralyq quqyq jáne yntymaqtastyq departamentiniń dırektory.

2019 jyldyń qyrkúıeginen bastap osy ýaqytqa deıin ádilet vıse-mınıstri qyzmetin atqarǵan.