Taıaýda Astanada ótken «AMANAT» partıasynyń áıelder forýmy barysynda qazirgi qoǵamdaǵy áıelderdiń róli, sondaı-aq olardyń qabilet-qarymyn júzege asyrýyn jáne eldiń saıası ómirine aralasýyn qamtamasyz etýge baǵyttalǵan «AMANAT» partıasynyń bastamalary talqylandy.

Osy jıynda áıelder qanatyn qurý týraly usynys ta qoldaý tapqany belgili.
Bul týraly búgin «AMANAT» partıasynyń Atyraý oblystyq fılıaly alańynda ótken Birlik bastaýysh partıa ujymymen kezdesý barysynda keńinen aıtyldy. Kandıdattar Gúljan Mýhataeva men Fatıma Týleeva qazirgi qoǵamda áıel kásipkerler úlesiniń kóbeıip kele jatqanyn aıtyp, partıanyń saılaýaldy baǵdarlamasynda osy baǵytty jetildirýdi kózdeıtin kóptegen bastama-usynystar bar ekenin jetkizdi.
«Búgingi tańda aımaqta 26 myńǵa jýyq áıel kásipker bar. Olardyń qatarynda jastar, shalǵaı aýyl turǵyndary bar ekeni de qýantady. 

Buǵan qosa, kvazısektordaǵy áıelder úlesin arttyrý kózdelip otyrǵany da – ýaqyt talaby» degen Gúljan Mýhataeva óz tájirıbesimen bólisip, eńbek jolyn ustazdyqtan bastaǵanymen, 2000-shy jyldardyń basynda bıznes salasyna bet burǵanyn jetkizdi. «Atyraý oblysy munaıly ólke degenimizben, bir ýaqyttarda bul baılyqtyń da sarqylary belgili. Sondyqtan, kásip bastaý, ony ıgerý, tabys tabý, halyq paıdasyna jaratý – óz ómirsheńdigin dáleldegen baǵyt. «AMANAT» partıasynyń saılaýaldy baǵdarlamasynda shaǵyn jáne orta bıznes sýbektileriniń sanyn arttyrý olardy qoldaý baǵytyndaǵy jumystarǵa mán berilgen» dedi ol.
Bul pikirdi qostaǵan Fatıma Týleeva da kásipkerlik salasyn óristetý baǵytyndaǵy memlekettik ustanymmen úndesetin «AMANAT» partıasynyń saılaýaldy baǵdarlamasyn tanystyrdy. 

Al, Azamat Asylbekov jalpy baǵdarlamanyń basym baǵyttary, jastardy qoldaý sharalary, muǵalimder eńbegin baǵalaý, otandyq ǵylymdy damytý taqyryptaryn taldap, ózindik oı-pikirlerin otaǵa salsa, kandıdat Nadejda Týlına da baǵdarlamada aıqyndalǵan basymdyqtar týraly aıtyp ótti.
Kezdesý sońynda qatysýshylar óz usynys-pikirlerin arnaıy jáshikke joldady. 

Tapsyrys berýshi: AMANAT partıasynyń Atyraý oblystyq fılıaly
AMANAT partıasynyń Atyraý oblysynyń saılaý qory qarajatynan tólendi.