Ekologıalyq jaǵdaı- jaıly jáne qaýipsiz ómir súrýdiń kepili. 

Ásirese, Atyraý halqy úshin qorshaǵan ortany ońaltý sharalarynyń qarqyndy ári nátıjeli júrgizilýi asa mańyzdy. 

Bul týraly búgin kandıdattar Aıgúl Ámirǵalıeva men Abdolla Idresov «KTK K» AQ ujymymen kezdesý barysynda aıtyp, AMANAT partıasynyń saılaýaldy baǵdarlamasynda osynaý ózekti problemaǵa qatysty qandaı jumystar atqarý josparda ekenin jarıa etti.

«Jaıyqtyń jaǵdaıy jyldan-jylǵa nasharlap barady. Sý qory azaıyp, arnasy da tarylýda». Oblystyń negizgi tirshilik kózi sanalatyn ózenniń sońǵy jyldardaǵy ahýalyna alańdaǵan atyraýlyqtar osyndaı baǵyttaǵy oı-pikirlerin ortaǵa saldy.

Abdolla Hamıuly AMANAT partıasy transshekaralyq ózen baseıniniń ekojúıesin saqtaý jáne qalpyna keltirý jónindegi sharalardy iske asyrýǵa múddeli ekenin jetkizdi. Buǵan qosa, Jaıyq ózeniniń Kaspıı teńizine quıar saǵasyn tereńdetý jumystaryn júrgizýge yqpaldasý da AMANAT-tyń aldaǵy 5 jylda alǵa qoıǵan maqsattarynyń qatarynda.

«Sonymen qatar, sýǵa batqan iri gabarıtti zattardy kóterý úshin qarjy bólý jumystaryna yqpal etý – maqsatymyz. Jaıyq – oblys úshin úlken mánge ıe. Ózen arnasy tolyǵýy úshin zańsyz salynǵan bógetterdi joıý, sol arqyly sý qoryn molaıtýǵa múmkindik týǵyzý sekildi jumystar AMANAT partıasynyń alańynda únemi kóterilip keledi. Áli de jalǵastyra beremiz» dedi ol.

Tapsyrys berýshi: AMANAT partıasynyń Atyraý oblystyq fılıaly

AMANAT partıasynyń Atyraý oblysynyń saılaý qory qarajatynan tólendi