Búgin ult kósemi, Alash kóshbasshysy Álıhan Bókeıhannyń týǵan kúni. 1866 jyly 5 naýryzda Qarqaraly ýezinde dúnıege kelgen Álıhan Nurmuhamedulyna 157 jyl tolyp otyr. 

Tarıhshylardyń aıtýynsha, onyń saıası qyzmeti Ombyda "Halyq bostandyǵy" partıasyna múshe bolǵan kezden bastalǵan. Álıhan Bókeıhan bastaǵan Alash qaıratkerleriniń uly armany – qazaq memleketin qurý boldy. 1917 jyldyń shilde aıynda Orynborda ótken birinshi jalpyqazaqtyq sezinde Alash ulttyq saıası partıasy zańdastyryldy. Bul Alash úkimetin qurýǵa jasalǵan negizgi qadam bolatyn. 

«Qamshy.kz» aqparat agenttigi 2017 jyldyń basynda "Alashorda – 100 jyl" jalpyhalyqtyq sharalaryn iske asyratynyn jarıalady. Alashtyń mereıtoıy As berýden bastaldy. Sol jyly 5 naýryzda Almatydaǵy Ahmet Baıtursynov mýzeıi aldynda Alash qozǵalystyń 100 jyldyǵyna arnalǵan as berilip, duǵa oqyldy. Sharaǵa alashtanýshy ǵalymdar men zıaly qaýym ókilderi, jýrnalıser qatysty. Sáýir aıynda Ahmet Baıtursynuly saıabaǵyna «Alashordanyń» 100 jyldyǵyna arnap 100 aǵash otyrǵyzyldy. Qarashada Alataý dástúrli óner teatrynda ótken sharada "100 jetim bala" men "100 qıynshylyǵy bar stýdentke" 4 mıllıon teńge naqty qarajat bólinip, kómek kórsetildi. Alash rýhyna arnalǵan sharanyń qorytyndysy retinde "Alash arystarynyń 100 izbasary" marapattaldy. Sharada ultqa qyzmet etip, el yqylasyna bólengen san salanyń úzdikterine "Alash arystarynyń izbasary" medali tabystaldy.