Antıkor Almaty qalasynyń jer qatynastary salasynda oryn alǵan zańbuzýshylyqtardy anyqtady.

Jemqorlyqqa qarsy qyzmettiń habarlaýynsha, Almaty ákimdiginiń taý bókterindegi aýdandardan jer bólý jáne qurylys oryndaryn salýda sybaılas jemqorlyq oryn alǵan.

Sonymen qatar, sáýlet jáne qala qurylysy týraly zańnamanyń saqtalmaǵany belgili boldy. 2017 jyldan bastap týrızmdik aımaqqa arnalǵan 286 gektarǵa jýyq jerge turǵyn úıler salynǵan. Bul ózgerister ekologtardyń, SES pen órt sóndirýshilerdiń kelisiminsiz júzege asyrylyp, qoǵamdyq tyńdaýdan ótkizilmegen.

Tótenshe jaǵdaı qyzmetiniń derekteri boıynsha tasqyn, kóshkin jáne sel qaýpi bar aımaqtarǵa 5 000 ǵa jýyq turǵyn úı salynǵan. Ol aımaqta 26 myń adam turady. Mysaly, Naberejnaıa kóshesinde tik betkeıdiń astyndaǵy sary topyraqqa 12 turǵyn úı salynǵan.

Sońǵy eki jylda landshafttardy ózgertý boıynsha 26 is anyqtaldy. Naýryzbaı aýdanynyń taý bókterindegi jer ýchaskesiniń ıesi ruqsat qujatsyz taýdy qoparyp tastaǵan. Mamandardyń qorytyndysy boıynsha, kesilgen topyraqtyń kólemi 100 myń tekshe metrdi qurady. Ol jerlerdi 50 ýchaskege bólip, satýǵa shyǵarmaq bolǵan.

Sonymen qatar, sáýlet organdary jeke úıdiń eskızin bekitkenimen, is júzinde kóppáterli turǵyn úı kesheni salynǵan. Bul úılerge sý men jylý tartylý úshin tehnıkalyq sharttar da eskerilmeıdi. Qurylys salýshylar bekitilgen eskızderdi buza otyryp, trotýarlar men demalys alańdaryna arnalǵan jerlerge de turǵyn úı sala bergen. Qazirgi tańda atalǵan zań buzýshylyqtar boıynsha tergeý jumystary júrgizilip jatyr.