Ulytaý oblysy Jańarqa aýdany Sáken Seıfýllın aýylynda alkagol ónimderi ishilmegendikten, sońǵy jyldary qylmystyq is te tirkelmegen. Turǵyndar óz erkimen ishimdik ataýlydan bas tartqan. 

Turǵyndardyń aıtýynsha, aýylda ishimdik ishilmegendikten, buzaqylyq tyıylǵan. Sońǵy 3 jylda Sáken Seıfýllın okrýginde birde–bir qylmys tirkelmegen. Alkogóldan bas tartýdy aýyl jastary usynǵan.

"Jastarymyz óte belsendi. İshimdikten bas tartqandyqtan aýylymyz tynysh. Esigimiz ashyq jatady, eshqandaı urlyq oryn alǵan joq ",– deıdi aýyl turǵyndary.

Atalǵan aýyldyq okrýgtiń quramyna úsh eldimeken kiredi. Myńǵa tarta turǵynǵa qyzmet kórsetetin ýchaskelik ınspektor aýyl ishi tynysh bolǵandyqtan, kóbine aýdan ortalyǵynda jumys isteıtinin aıtty.

"Bul aýylda sońǵy jyldary qylmystyq is tirkelgen joq. Aýyl jastary kásibı mal sharýashylyǵymen jáne sportpen aınalysady", - deıdi ýchaskelik ınspektor Sáken Qartaev.

"Habar 24" arnasynyń málimdeýinshe, aýyldaǵy tórt dúkende ishimdik ataýyl satylmaıdy,.