Energetıka mınıstri Almasadam Sátqalıev Qazaqstanda AES salýǵa qatysty jýrnalıserdiń suraǵyna jaýap berdi. 

Mınıstr elimizde AES salýǵa qatysty naqty sheshim qabyldanbaǵanyn aıtty. 

"Ázirge jobaǵa qatysatyndar men qurylys vektory boıynsha prosedýralar júrip jatyr. Biz áleýeti joǵary tehnologıalardy qarastyryp jatyrmyz", dedi mınıstr Almasadam Sátqalıev. 

Esterińizge sala keteıik, buǵan deıin energetıka vıse-mınıstri Jandos Nurmaǵanbetov Qazaqstanda atom elektr stansıasyn salý máselesi referendýmǵa shyǵarylmaıtynyn aıtqan bolatyn.

Al 2022 jyly Toqaev Qazaqstan AES salatyn jerdi tańdady, birneshe eldiń tehnologıasyn zerttep jatqanyn da habarlaǵan. Keıin Qazaqstanda AES salatyn elder konsorsıýmy arasynan qaýipsizdikke jaýapty kompanıa tańdalatyny aıtyldy.