Astana qalasy Baıqońyr aýdandyq №2 sotynyń sýdıasy Baǵlan Ydyrysov eks-mınıstr Arystanbek Muhamedıuly men ózge de aıyptalýshylarǵa qatysty is boıynsha 43 mıllıon teńge óndirý týraly sheshim shyǵardy.

"Muhamedıuly, Nurazhan, Kóshenov jáne Sadýaqasovadan 43 mıllıon 829 myń 114 teńge materıaldyq shyǵyn memleket paıdasyna óndirilsin. Osy úkim zańdy kúshine engen kúnnen bastap sottalǵandarǵa azamattyq talap boıynsha sot úkimin óz erkimen oryndaý úshin bir aı merzim belgilensin. Kórsetilgen merzim ótkennen keıin azamattyq talap turǵysynan úkimdi oryndamaǵan jaǵdaıda májbúrli" – dedi sýdıa.

Tergeý barysynda Arystanbek Muhamedıuly 111 mıllıon teńgeden asa shyǵyndy ishinara ótegenin atap ótti.

Sot mynadaı sheshim shyǵardy:

Árbir sottalǵan adamnan – Muhamedıuly, Nurazhan, Kóshenov, Sádýaqasovadan memleket kirisine 328 myń 718 teńgeden memlekettik baj óndirip alynsyn;

Árbir sottalǵan adamnan – Muhamedıuly, Nurazhan, Kóshenov, Sádýaqasovadan prosestik shyǵyn úshin memleket kirisine 855 myń 343 teńgeden óndirip alynsyn;

Árbir sottalǵan adamnan jábirlenýshi paıdasyna 20 AEK, 55 myń 560 teńge mólsherinde májbúrli tólem óndirip alynsyn;

Kóshenovtyń múlkinen – ÝAZ 390945 markaly kólik quralyna, Astana qalasyndaǵy Uly dala, 7/7 mekenjaıyndaǵy páterge, Uly dala, 7/2 mekenjaıyndaǵy turaq ornyna azamattyq talap qoıý bóliginde úkimniń oryndalýyn qamtamasyz etý úshin salynǵan tyıymdy saqtaý;

Sondaı aq, Muhamedıulynyń múlkinen Toyota Camry markaly kólik quralyna salynǵan tyıymdy saqtaý.

Eske sala keteıik, keshe burynǵy mádenıet mınıstri Arystanbek Muhamedıuly 8 jylǵa sottalǵan bolatyn.