AQSH-tyń memlekettik hatshysy Qytaıdaǵy is-saparyn aıaqtaǵannan keıin prezıdent Djo Baıden Qytaı basshysy Sı Szınpındi "dıktator" dep aıyptady, dep jazady BBC. 

Djo Baıden AQSH aýmaǵynda Qytaı tyńshylyq zondynyń atyp túsirilýine baılanysty Qytaı basshysy Sı Szınpınniń reaksıasy týraly aıtqan. Baıdenniń aıtýynsha, Sı Szınpın osy zondtyń aınalasyndaǵy janjaldyń órbigenine ashýlanǵan. 

"Sı Szınpınniń shpıondyq aparatýranyń eki vagonymen shardy qaǵyp ketkendegi ashýlanýyna ne sebep boldy? Óıtkeni ol bul shar týraly bilmegendikten boldy. Ol ne bolyp jatqanynan habarsyz boldy. Al bul dıktatorlarǵa unamaıdy", - dedi Baıden.

Jeksenbi jáne dúısenbi kúnderi AQSH-tyń memlekettik hatshysy Entonı Blınken Qytaıǵa issaparmen bardy. Sapardyń maqsaty sońǵy aılarda aıtarlyqtaı shıelenisken QHR men AQSH arasyndaǵy qarym-qatynasty túzeý boldy. 19 maýsymda Pekınde Blınken men Sı Szınpın kelissóz ótkizgen.