Ulttyq qaýipsizdik komıteti Shekara qyzmeti bıyldyń ózinde el aýmaǵynda qos azamattyqpen júrgen 233 adamdy anyqtaǵan. Al 150 adam ózge bireýdiń qujatyn paıdalanǵan.
Basqa bireýdiń qujatyn paıdalanǵandardyń kópshilgi Indıa, Nıgerıa, Tájikstan, Ózbekstan jáne Reseı turǵyndary.
"Qarý-jaraq pen oq-dárilerdi zańsyz ótkizbek bolǵan 153 jaǵdaı tirkeldi. Kúdiktiler ári qaraı tekserý úshin İİM men MKD aýmaqtyq bólimshelerine tapsyryldy. Odan bólek, QR kóshi-qon zańnamalaryn buzǵany úshin 8 myńnan astam adam ákimshilik jaýapkershilikke tartyldy", - delingen aqparatta.
Sonymen qatar, jalpy somasy 2,5 mıllıard teńgeni quraıtyn 300-den astam zańsyz valúta aınalymy da anyqtalǵan.
Pikir qaldyrý