Shymkentte jolaýshylar kóligi basqarmasynyń basshysy para aldy degen kúdikpen ustaldy.
Ol megapolıstiń áleýmettik mańyzy bar baǵyttary boıynsha jolaýshylar tasymalyn sýbsıdıalaý kezinde búdjet qarajatyn kedergisiz tólegeni úshin kásipkerden 13 mıllıon teńge kóleminde para aldy dep aıyptalyp jatyr. Bul týraly Antıkordyń Shymkenttegi departamentiniń basshysy Dáýren Erǵarın málimdedi.
"Sottyń sanksıasymen kúdikti 2 aı merzimge qamaýǵa alyndy. Sotqa deıingi tergep–tekserý jalǵasýda, Qylmystyq–prosestik kodekstiń 201 babyna sáıkes ózge aqparat jarıa etýge bolmaıdy", – dedi Dáýren Erǵarın.
Pikir qaldyrý