Alanıada qazaqstandyq jýrnalıs Araılym Nuǵmanova men onyń eki jasar qyzy jol apatynan qaza tapty. Bul týraly TRT Haber arnasy habarlady. Qazir marqumnyń kúıeýi aýrýhanada aýyr jaǵdaıda jatyr.

Oqıǵa 3 qyrkúıek kúni Mahmýtlar aımaǵyndaǵy D-400 Gazıpasha-Antalıa tas jolynda bolǵan. Túrkıa azamaty júrgizip otyrǵan safarı kóligi bir baǵytta kele jatqan kólikke soqtyǵysqan. Kóliýte otyrǵan qazaqstandyq Araılym Nuǵmanova oqıǵa ornynda, al onyń eki jasar qyzy aýrýhanada kóz jumǵan.

Atyraý oblysy ákiminiń orynbasary Jasulan Bısembıev Facebook áleýmettik jelisindegi paraqshasynda marqumnyń kúıeýi Araılym Nuǵmanovanyń aýrýhanada aýyr halde jatqanyn jazdy.

"Antalıadan sýyq habar kelip jatyr. Belgili jýrnalıs, "Zeıin Atyraý" erekshe balalardy ońaltý ortalyǵynyń negizin qalaǵan Araılym Baǵytjan Antalıadaǵy iri jol apatyna túsip, ómirden ótti. Áriptesimizben birge kishkentaı sábıi de o dúnıelik boldy. Joldasy qıyn jaǵdaıda aýrýhanada jatyr. Qazirgi ýaqytta Túrkıadaǵy Qazaqstan elshiligimen arada kelisimder júrgizilip, aýrýhanada qıyn jaǵdaıda jatqan baýyrymyzdyń tıisti em alýyna jaǵdaı jasalýda. Jerlesterimizdiń súıegin elge aldyrý boıynsha jumys júrgizilýde. Marqumnyń otbasyna qaıǵyryp kóńil aıtamyn",  – dep jazdy Jasulan Bısembıev.