"Qazaqstan" shahtasyndaǵy apatty tergeý jónindegi Úkimet komısıasynyń jumysy 10 jumys kúnine uzartyldy. Bul týraly Tótenshe jaǵdaılar mınıstrliginiń resmı ókili Janna Dáýrenbekova habarlady.
Qazir shahtanyń apattyq ýchaskesinde 27 taý-ken qutqarýshy jumys istep, kómek kórsetýge 14 kenshi jumyldyrylǵan.
"Órt oshaqtaryn sóndirý jumystary jalǵasyp jatyr. Gaz mólsherin baqylaýda ustap turmyz. Jumys oryndarynda temperatýra kórsetkishteriniń nasharlaýy baıqalmaıdy", - dedi Janna Dáýrenbekova.
Eske sala keteıik, 17 tamyzda "Qazaqstan" shahtasynda órt bolyp, bes kenshi qaza tapqan bolatyn.
Pikir qaldyrý