Astanany damytýdyń 2035 jylǵa deıingi Bas josparynyń jobasy qalalyq máslıhatta bekitilip, «Ashyq NQA» portalynda jarıalandy. Osylaısha, elordanyń aldaǵy 12 jylǵa arnalǵan jospary talqylanýda. 2035 jylǵa qaraı Astana halqynyń sany 2275000 adamǵa jetýi múmkin. Qujatqa sáıkes, eńbekke qabiletti jastaǵy halyq eseptik merziminiń sońyna qaraı qala halqynyń 66 paıyzyn qurasa, mektepterdegi oryn sanyn 257,4 myń orynǵa, al balabaqshalardaǵy oryndardy 82,7 myń orynǵa ulǵaıtý kózdelgen. Bas jospardyń jobasyna qatysty qala turǵyndary qyzý pikir bildirýde. Talqylaý 8 jeltoqsanǵa deıin jalǵasady.

Sońǵy derekterge súıensek, búginde elorda halqynyń sany 1409497 adamdy qurap otyr. 2035 jylǵa deıin olardyń qatary 2,3 mln adamǵa jetýi múmkin. Osyǵan oraı, Astana qalasy Bas josparynyń jobasy «Ashyq NQA» portalynda halyqtyń talqysyna salyndy.

Astana qalasynyń 2035 jylǵa deıingi Bas jospary – keleshektegi keshendi damýdyń, aýmaqty josparly uıymdastyrýdyń, qalanyń áleýmettik jáne ınjenerlik-kólik ınfraqurylymy júıesiniń baǵyttaryn aıqyndaıtyn negizgi qala qurylysynyń qujaty.

Qazaqstandyqtar 2023 jyldyń 8 jeltoqsanyna deıin oǵan qatysty pikir bildirip, talqyǵa sala alady. Mamandardyń málimdeýinshe, 2035 jylǵa qaraı Astana halqynyń sany 2275000 adamǵa jetý múmkin. Eńbekke qabiletti jastaǵy halyq eseptik merziminiń sońyna qaraı qala halqynyń 66 paıyzyn quraıdy.

«Astana Bas jospar» JSHS jobalyq tobynyń jetekshisi Baqtıar Toqtamysovtyń aıtýynsha, 2035 jylǵa deıin jańa Bas jospardy ázirleý qajettiligi elordanyń qarqyndy ósýine baılanysty paıda boldy. 2001 jyly japon sáýletshisi Kıse ­Kýrokava jasaǵan alǵashqy jospar qalada 800 myńǵa jýyq adam turatynyn kózdedi.

2035 jylǵa qaraı qalanyń shekarasy men qańqasy ózgerissiz qalady. Osyǵan qaramastan, qala tórt baǵytta – «Metro» SO aýdanyndaǵy Qaraǵandy tasjolyna qaraı, Máńgilik el kóshesi, Turan dańǵylynyń batysynda, sondaı-aq «Telman» turǵyn alabynyń ońtústigine qaraı ósedi. Elordada jańa K-3 aınalma joly paıda bolady. Ol Hýseın ben Talal kóshesimen, jańa temirjol vokzalynyń janynan, Baıqońyr aýdanyndaǵy ónerkásip aımaǵynan ótip, Nurǵısa Tilendıev dańǵylynan úlken Taldykól kólin aınalyp ótedi. Keıbir aýdandarda: Kóktal, Shubar, Zarechnyı, jańa vokzal, Ońtústik-shyǵys aýdandary men Asan qaıǵy kóshelerindegi eski úıler ysyrylady. Bul rette birinshi kezeńge, ıaǵnı 2025 jyly bir adamǵa turǵyn úı qorymen qamtamasyz etýdi 26 sharshy ­metrge deıin ulǵaıtý josparlanýda. Bul rette turǵyn úı qory 37200 myń sharshy metrdi quraıdy.

«Qala aýmaǵynyń ákimshilik shekaralary shegindegi halyq sany bastapqy jyly 1184,4 myń adam boldy. Astana qalasy halqynyń keleshektegi sanynyń boljamy korrelásıa-regressıa taldaýy, jas qozǵalysynyń ádisi, statısıka ekstrapolásıasy jáne eńbek teńgerimi negizinde ekonomıka-­matematıka ádisin paıdalana otyryp, Qazaqstan Respýblıkasy Ulttyq statısıka agenttiginiń ádistemesi boıynsha halyqtyń tabıǵı jáne kóshi-qon qozǵalysynda obektıvti bolyp jatqan ózgeristerdi eskere otyryp oryndaldy. Halyqtyń keleshektegi sany áleýmettik-ekonomıalyq qyzmettiń barlyq salasyndaǵy qyzmetke eńbekke qabiletti jastaǵy halyqtyń ońtaıly qosylýyn eskere otyryp, statısıka ekstrapolásıasy ádisimen aıqyndalǵan» delingen qujatta.

Bas josparda eseptik merzimge jalpy bilim beretin mekemelerdegi oryndar sanyn 257,4 myń oqýshy ornyna nemese burynnan bar 94341 orynǵa, 164 mektepke nemese bastapqy jylǵa 100 mektepke ulǵaıtý kózdelgen.

2035 jylǵa qaraı qalanyń shekarasy men qańqasy ózgerissiz qalady. Osyǵan qaramastan, qala tórt baǵytta – «Metro» SO aýdanyndaǵy Qaraǵandy tasjolyna qaraı, Máńgilik el kóshesi, Turan dańǵylynyń batysynda, sondaı-aq «Telman» turǵyn alabynyń ońtústigine qaraı ósedi. Elordada jańa K-3 aınalma joly paıda bolady. Ol Hýseın ben Talal kóshesimen, jańa temirjol vokzalynyń janynan, Baıqońyr aýdanyndaǵy ónerkásip aımaǵynan ótip, Nurǵısa Tilendıev dańǵylynan úlken Taldykól kólin aınalyp ótedi

Mektepke deıingi mekemeler jelisin damytý úshin eseptik merzimge mektepke deıingi mekemelerdegi oryndar sanyn 82,7 myń orynǵa, onyń ishinde memlekettik jáne jeke úlgidegi jeke turǵan balabaqshalarda 64,8 myń orynǵa ulǵaıtý kózdelgen.