Reseıdi 20 jyldan astam ýaqyt boıy bir ózi áli bılep-tóstep otyrǵan Pýtın aldaǵy naýryzda taǵy bir ret saılanyp alaıyn dep otyr.

25 qańtarǵa deıin Borıs Nadejdın degen kandıdatqa 100 myń qol jınap berý úshin reseılikter uzyn-sonar kezekte tur.

Nadejdın soǵysqa qarsy ekenin málimdegen bolatyn. Endeshe Nadejdınge qol jınap berý reseılikter úshin soǵysqa qarsy ekenin bildirýdiń jalǵyz zańdy joly.

Biraq Nadejdın Kremldiń ruqsatymen, kelisimimen paıda bolǵan jalǵan kandıdat. Pýtınge shyn qarsylas bolatyn adamdy Reseı bıligi ólse de saılaýǵa jolatpaıtyny belgili. Navalnyı túrmede otyr.

"Soǵysty qoldamaımyn" deıtin kandıdatty Kreml bosqa shyǵarǵan joq. Reseıde "soǵysqa qarsymyn" deıtinderdiń sany óte az ekenin jurt kórsin demek bolǵan.

Endi ózderi jaısyz jaǵdaıda qaldy. "Halyqtyń deni Pýtındi, soǵysty qoldaıdy" degen áleýmettik zertteýleriniń ótirik ekeni bilinip qaldy. Sóıtse, soǵysty qoldamaıtyn orys óte kóp eken. Endi bılik qajetti qoldy artyǵymen jınaǵanyna qaramastan Nadejdındi kandıdat etip tirkemeı qoıýdyń amalyn daıyndap otyr. Qaýipti óıtkeni.

Belorýssıadaǵy prezıdent saılaýynda bılik "úı sharýasyndaǵy áıel ǵoı, ony kim qoldaıdy deısiń" dep mensinbegen Tıhanovskaıa jeńgen. Biraq Lýkashenko onyń jeńisin urlap, "Lýkashenko jeńdi" dep jarıalatty.

Reseı sıaqty SSSR-den qalǵan elderdiń kóbinde Nadejdın, Tıhanovskaıa, Qosanov sıaqtylar halyqtyń 100% daýysyn ıelense de prezıdent bolmaıdy.