Mınıstrdiń sózinshe, ózgeris 2025 jyly jańadan jalpy ereje qabyldanǵannan keıin engiziledi.

- Jyl basynda áýesqoı ańshylar kıik atýǵa ruqsat berýdi surady. Biraq biz buǵan deıin ruqsat bermeı keldik. Kıik sanyn retteý úshin tek "Ohoto promǵa" ǵana olardy atýǵa bolatyn edi. Ańshylyq ujymdardan kelgen usynystardy toptap, taldaı kele kıik atý boıynsha jalpy erejeni ázirlep jatyrmyz. Kelesi jyldan bastap áýesqoı ańshylarǵa da kıik atýǵa ruqsat berý boıynsha ózgeris engizýge ázirlenip jatyrmyz. Ony ashyq aıtý kerek", — dedi mınıstr.

Buǵan deıin Ekologıa mınıstri Serikqalı Brekeshev aqbókender fermerlerdiń eginin taptap jatyr dep málimdegen edi. Sodan keıin vedomstvo "janýarlar sanyn retteý sheńberinde" 80 myń aqbókendi atý týraly sheshim qabyldaǵan.

Bul sheshim qoǵamnyń birshama syny men narazylyǵyn týǵyzdy. Buǵan qaramastan, kıik atýdy mınıstrlik zańdastyrdy.

Ekologıa jáne tabıǵı resýrstar mınıstrliginiń buıryǵyna sáıkes, aqbókenderden basqa, sany retteletin janýarlar tizimine qasqyrlar, shıbóriler, qarǵalar, úlken kormoranttar, jylanbas balyqtar endi. Tizimdegi janýarlardyń sany halyqtyń densaýlyǵyn saqtaý, aýyl sharýashylyǵy jáne basqa úı janýarlarynyń aýrýlarynan qorǵaý, qorshaǵan ortaǵa zıan keltirmeý maqsatynda rettelmek.

Sondaı-aq Qazaqstanda 2024 jyly taǵy 300 myń kıik atý usynylyp otyr.