Almatyda kólik júrgizýshisine shabýyl jasaǵan jolaýshy qolǵa tústi, – dep habarlady Polisia.kz.

Almatynyń Bostandyq aýdanynda, tańǵy 08:00 shamasynda, 98-baǵyttaǵy avtobýsta 38 jastaǵy jolaýshy buzaqylyq jasaǵany úshin jaýapkershilikke tartyldy. Ol qoǵamdyq tártipti buzyp, kólik júrgizýshisine dene jaraqatyn keltirgen.

– Kúdikti ustalyp, ýaqytsha ustaý ızolátoryna qamaldy. Buzaqylyq deregi boıynsha qylmystyq is qozǵaldy. Saraptama taǵaıyndaldy. Kúdikti ózin qorǵaý úshin jumysqa keshigip bara jatqandyqtan, júrgizýshiden tezirek júrýin suraǵanyn aıtty. Alaıda janjaldyń sebebi de osy kıkiljiń bolǵan, – deıdi, Bostandyq aýdandyq polısıa basqarmasynyń bastyǵy Dıdar Ahanov.

Sońǵy jyldary qoǵamdyq kólik júrgizýshilerine shabýyl jıilep ketti. Byltyr Almatyda 47-baǵyttaǵy qoǵamdyq kóliktiń jolaýshysy júrgizýshi áıeldi uryp esinen tandyryp, saldarynan baqylaýdan shyǵyp ketken kólik aıaldamada turǵan adamdardy qaǵyp, tórt kólikpen soqtyǵysqan. Oqıǵa saldarynan úsh adam qaza taýyp, taǵy 4 adam dene jaraqattaryn alǵan.