Korostelev jábirlenýshilerdiń ótemaqy qoryna 69 myń teńge (shamamen 150 dollar) tóleýge mindetteldi, degenmen iste jábirlenýshi joq. Korostelev pen onyń advokaty "kináni dáleldeıtin aıǵaq bolmaǵandyqtan" aqtaýdy surady. Azattyq sottalýshynyń advokatyna habarlasqanmen jaýap ala almady.

İs materıaldaryna súıensek, 2023 jyly mamyrda er adam TikTok jelisinde vıdeo jarıalap, onda "bylapyt sóz" aıtyp, "qazaq ultyna qatysty teris pikir" bildirgen. Ol kelesi vıdeoda aıtqan pikiri "barlyq qazaqqa qatysty emes ekenin" túsindirgen. Psıhologıalyq-fılologıalyq saraptama vıdeoda "ulttyq alaýyzdyq qozdyratyn belgiler" bar dep tujyrym jasaǵan.

Qaraǵandy oblysynda telekomýnıkasıa jelileri arqyly "ulttyq alaýyzdyq qozdyryp", "separatıstik áreketke" shaqyrdy, osylaısha Qazaqstannyń tutastyǵyn buzýǵa nasıhattady dep aıyptalǵan Saran qalasynyń taǵy bir turǵyny S.Galeev 5 jylǵa erkindiginen aıyryldy. Sot ony jábirlenýshilerdiń ótemaqy qoryna 69 myń teńge tóleýge mindettegen.