Parlament qabyldaǵan zań boıynsha densaýlyqqa jeńil zıan keltirgender qylmystyq jaýapqa tartylady. Sonymen qatar endi zorlyq kórsetken adamdy jábirlenýshi polısıaǵa aryzdanbasa da ustaýǵa bolady.

"Tabamyz. Kóbeıip ketpeıdi. Biz olardy qazir de qamap jatyrmyz. Bir ǵana ereksheligi buryn ákimshilik zańnama aıasynda qamasaq, endi qylmystyq zań aıasynda tergeý ızolátorynda otyrady. Biz osy sanatty tergeý ızolátorynda ustaý múmkindigin qarastyrý úshin arnaıy zań turǵysynan erekshelik jasadyq. Bárine oryn tabamyz dep oılaımyz", – dedi Igor Lepeha senatta.

Zań maquldanǵan kezde kútiletin nátıjeler: áıelderdiń quqyqtary men balalardyń qaýipsizdigin qorǵaýdy kúsheıtý, balalardy seksýaldyq zorlyq-zombylyqtan qorǵaýdy kúsheıtý, ózin-ózi óltirý jáne seksýaldyq zorlyq-zombylyq jaǵdaılaryn azaıtý, ómirde qıyn jaǵdaılarǵa tap bolǵan otbasylar úshin jaǵdaıdy jaqsartý, arnaýly áleýmettik kórsetiletin qyzmetterdiń sapasyn jaqsartý, neke jáne otbasy ınstıtýtyn nyǵaıtý.