Er adam aýyz sý jetkizýshi kompanıada jumys isteıdi, ol oqıǵa bolǵan kúni qyzmettik kólikpen kópirden ótip bara jatqan.

"Men sýǵa sekirgim keldi, biraq kýágerler munyń óte qaýipti ekenin aıtty. Men kóliktegi súıretkish arqanmen tómenge tústim. Arqandy kópirge jalǵadyq. Avtobýsqa qaraı júzdim, lúkti ashyp, adamdardy shyǵarýǵa tyrystym", – deıdi Ahanov.

Gýbernator Aleksandr Beglov 15 qala turǵynyna qol saǵaty men "Qutqarýdaǵy erligi úshin" belgisin tabys etti. Bul – 2020 jyly taǵaıyndalǵan Sankt-Peterbýrg aımaqtyq syılyǵy.

25 jastaǵy Erhan Ahanov Shahtınskide dúnıege kelgen. Bala kezinen sportpen aınalysqan. Ol bokstan jasóspirimder arasyndaǵy Qazaqstan chempıony. Áskerden keıin Sankt-Peterbýrgke baryp, sonda úılenip, jumys isteıdi, oqýǵa da túsken. Erhannyń anasy, ákesi jáne naǵashy ájesi qazaq polısıasynda qyzmet etedi.

10 mamyrda kúndiz Sankt-Peterborda avtobýs júrgizýshisi tizginge ıe bola almaı, birneshe kólikpen soqtyǵysqan, sodan keıin kólik kópirden qulap ketken. Avtobýsta 20 adam bolǵan. Onyń jeteýi  qaıtys boldy.