Qadaǵalaý organynyń habarlaýynsha, sottalǵandar býkmekerlik keńseler men onlaın kazınolar arqyly onlaın-satyp alý, nesıe rásimdeý jáne qumar oıyndarǵa qatysý úshin uıaly telefon paıdalanǵan, olardyń jalpy aınalymy úsh mıllıard teńgeden asty.

"№10 mekemesindegi sottalǵandar uıaly telefondar qoldana otyryp, ruqsat etilgen jáne ruqsat etilmegen zattardy mekeme qabyrǵasynda otyryp-aq saýdalaǵan. Osy faktige baılanysty Almaty oblysynyń prokýratýrasy 361-baptyń 2-bólimi boıynsha sotqa deıingi tergeý amaldaryn bastady. Qylmystyq kodekstiń 1-baby (qyzmettik ókilettikti teris paıdalaný) boıynsha İle aýdandyq soty atalǵan mekemeniń úsh qyzmetkerin túrli jazaǵa kesti", - dep habarlady prokýratýra.

Sonymen qatar, oblys prokýratýrasy №12  jáne №57 mekeme qyzmetkerlerine qatysty qylmystyq kodekstiń 361-baby 2-1-bóligi boıynsha sotqa deıingi tergeý amaldaryn bastap, №57 mekeme basshysy qamaýǵa alyndy.

"Anyqtalǵan faktiler qylmystyq-atqarý júıesinde, onyń ishinde mekeme qyzmetkerleriniń ózderiniń qatysýymen júrgizilip jatqan zań buzýshylyqtardy kórsetedi", - dep tolyqtyrdy vedomstvo.