Joǵarǵy sot májilis depýtaty Dáýlet Turlyhanovtyń ulyna qatysty úkimin ózgertti. Depýtattyń ulyna taǵaıyndalǵan jaza kúsheıtilip, eki jylǵa bas bostandyǵynan aıyrý jazasyn kesti.

2023 jyly Turlyhanovtyń uly Anna Dmıtrıevıch pen onyń joldasy Oleg Chernovty soqqyǵa jyqty dep aıyptalǵan. Nurasyl Bolatqa qylmystyq is qozǵalyp, 500 aılyq eseptik kórsetkish mólsherinde aıyppul tóleý mindettelgen. 

Keıin Nurasyl Bolattyń shabýylynan zardap shekken zańgerler sot úkimine apelásıalyq shaǵym túsirip, Dáýlet Turlyhanovtyń ulyn bas bostandyǵynan aıyrýdy surady.

Jábirlenýshiniń advokaty Anna Chernovanyń aıtýynsha, Nurasyl Bolatqa probasıalyq baqylaý júktelgen. Soǵan sáıkes ol Qazaqstannan tys jerde júre almaıdy, klýbtar men barlarǵa bara almaıdy, araq iship, zań buza almaıdy. Sondaı-aq kún saıyn saǵat 23:00-ge deıin úıge kelip, probasıa qyzmetine habarlaýǵa mindetti.

Eger májilismenniń uly osy sharttardy buzsa, sot onyń shartty jazasyn naqty jazaǵa aýystyryp, jazasyn kolonıada óteıdi.