Álemde balalar mazmunyn jarıalaýǵa arnalǵan kóptegen platformalar bar, olardyń árqaısysynyń ózindik erekshelikteri men maqsattary bar. Olardyń ishinde mátindik, vızýaldy (grafıkalyq), beıne jáne anımasıalyq, sondaı-aq bilim berý platformalaryn bólip kórsetýge bolady.

Balalar shyǵarmashylyǵyn jarıalaý úshin platformany tańdaý birneshe faktorlarǵa baılanysty. Olardyń ishindegi eń bastysy-balanyń jasy. Óte kishkentaı balalar úshin qaýipsizdik pen baqylaý deńgeıi joǵary platformalardy (mysaly, YouTube Kids nemese Storybird) tańdaǵan durys, al jasóspirimder úshin Wattpad nemese DeviantArt sıaqty ashyq jáne áleýmettik platformalar qolaıly.

Ekinshiden, anyqtaýshy faktor-mazmun túri. Shartty túrde, eger bala jazýdy unatatyn bolsa, Wattpad nemese sıaqty mátindik mazmunǵa baǵyttalǵan platformalardy tańdaǵan jón Zhas.kz. sýretshiler men anımatorlar úshin DeviantArt nemese YouTube Kids sıaqty vızýaldy platformalar jaqsyraq.

Sıfrlyq dáýirdegi úshinshi negizgi faktor - tildik qoldaý. Qazaq tildi balalar úshin ulttyq tildi qoldaıtyn platformalardy tańdaý mańyzdy ekeni jasyryn emes. Bul jaǵdaıda Balapan.kz nemese Zhas.kz shyǵarmashylyq ózin-ózi júzege asyrýdyń negizgi resýrstary men alańdary bolyp tabylady. Sondaı-aq, bala óz jumysyn jarıalap qana qoımaı, jańa nárselerdi úırenýi úshin platformada bilim berý jáne pedagogıkalyq qoldaýdyń bolýyn eskergen jón. Halyqaralyq tájirıbe kórsetkendeı, mundaı platformalar shyǵarmashylyq jáne bilim berý prosesiniń mańyzdy bóligi bola alady.