("Jas Alashty" oqyǵan soń týǵan oılar). Búginde osy suraqty jurt jıi qoıady. Qoıatyn da jóni bar: óıtkeni, búgingi zamanymyzda JEKE BATYR syndy "Ádiletti tý etip ustaǵan qazaq zıalylyǵy" men oǵan shıbórideı shúılikken onyń antıpodtary - jaǵympazdyq, TJ, KK (k.. kirý), qunyǵý jáne ekijúzdilik degenderdiń birikken áskeri (qoly) bir birimen qarama qarsy kelip, teketiresip (soǵysyp) qaldy... Osy tireste ázázil aqsha dem bergen antıpodtar jaǵy jeńis toıyn jıi toılaýda. Toılap qana qoımaı, olar árbir toı kezinde qazaqtyń burynnan kele jatqan asyl qasıetterin bir-birlep qurbandyqqa shalýda! Aldymen sińirli qara kúsh, turaqty sóz ıesi "jigittik" degen bar edi - sol ketti! Odan keıin "aqsaqaldyq" degen taý sıaqty alybymyz bar edi - moınyna qyl shylbyr, aıaǵyna shider salyp - ony jyqty! ... Endigi kezekte - sap túzep, moıyn usynyp ózge de asyl minezder tur... "Dármen" de, "Jiger" de sol qatardan kórinedi..... Endi oǵan qarsy turar kúsh bar ma? Bar! «Aqtabannan» aman qalǵan qazaq jeke batyrlaryn áli de qaýlatyp shyǵara alady. Sebebi, "qazaq zıalylyǵynyń" artynda halyq tur, onyń tól tárbıesi tur! Tárbıe bylaı deıdi: - "Jigit shaǵyńda qazaq jigitine tán qaırat qyl, elińniń namysyn óz namysyńdaı kór. Jigit aǵasy bolǵanda - sońyńa jurt eretindeı bedeldi bolýdyń qamyn oıla! Elýge taıanǵanda - aldymda aqsaqaldyq kútip tur dep ómir súr! Alpystan asqanda - ár sózińe abaı bol! Jetpiske jetkende - ár sóziń qazyna bolsyn! Osyny jan-tánimen sezingen adam ǵana zıaly bola alady! Seksenge kelip, selkildep bılep júrseń - árıne zıaly emessiń!" .....Aıta ketelik, bul sharttyń oryndalýynyń da óz sharty bar, ol - "Osyny tyńdap ósetin óskeleń urpaq aman bolsyn!" degen!!!

Ábdirashıt Bákirulynyń Feısbýk paraqshasynan