Atyraý qalasynda aýyr dárejedegi dene jaraqatyn saldy dep aıytpalǵan áıel 9 jylǵa sottaldy. Bul týraly «Qamshy» portaly Atyraý qalalyq №2 sotynyń baspasóz qyzmetine silteme jasap habarlaıdy.

Sot ústinde aıtylǵandaı, aıyptalýshy A.Nurjanova óziniń azamattyq nekedegi jubaıy N.Aslanov jáne tanystary D.Tursynov pen S.Aıdosynov tórteýi onyń úıinde spırttik ishimdik iship otyrǵan. Otyrys barysynda N.Aslanov mas bolyp uıyqtap qalady da úsheýi ishýdi ári qaraı jalǵastyrady. Bir mezette A.Nurjanova men D.Tursynov ózara kerisip, alǵashqysy sońǵysyn qolyna túsken balǵamen birneshe márte soǵady. Onysymen de qoımaı, esinen tanyp jatqan A.Tursynyovtyń ústine sekirip shyǵyp, uryp- tebýin odan ári jalǵastyrady. Nátıjesinde, jábirlenýshi D.Tursynov «aýyr» dárejedegi dene jaraqattaryn alǵan.

Sotta sottalýshy A.Nurjanova kinásin tolyǵymen moıyndap, keshirim surap, bas bostandyǵynan aıyrmaýdy surady.

Sot úkimimen A Nurjanova Qazaqstan Respýblıkasy Qylmystyq Kodeksiniń 106-babynyń 3-bóliginde kózdelgen qylmystyq is-áreketi úshin kináli dep tanylyp, 9 jylǵa bas bostandyǵynan aıyryldy.

A.Nurjanovanyń kámelettik jasqa tolmaǵan 3 balasy Atyraý oblystyq balalar úıi ákimshiligine tapsyryldy.