Mańǵystaý oblysynyń ákimi Alık Aıdarbaev Mańǵystaý aýdanyna jasaǵan jumys sapary barysynda birneshe áleýmettik nysandar ashty, sonymen qatar, Ústirtte ornalasqan iri qara fermasy men sharýa qojalyqtarynyń qysqa daıyndyǵymen tanysty.

Shetpe aýylynda memorıaldyq murajaı ashyldy. Eldi meken­niń ortalyǵyndaǵy jańa má­denı nysandy salýǵa jer­gilikti búdjetten 120 mln.teńge bó­lin­di. Jańa murajaıda qazaq mıfologıasyn zertteýshi etnograf Serikbol Qondybaıdyń muralary saqtalýda. Ol ómiriniń sońyna deıin tósekke tańylǵan bolsa da, ǵylym úshin qyzmet atqaryp, qaı­sar­lyǵymen úlgi tutarlyq jan boldy. Ǵalym toǵyz jyl ishinde mıfologıa, lıngvısıka, tarıh, ejelgi geografıa salalarynda ne­dáýir jumystar jasady. Ol óziniń zertteýlerin tarıhqa, rýhanıatqa, halqyna qyzmet etý múmkindigi dep qarastyrdy. Serikbol Qondybaı artyna 16 jumys qaldyrdy, onyń beseýi ómirden óter aldynda eki jarym jyl buryn jazylǵan.

Oblys ákimi Mańǵystaý aýda­nynyń ishki ister bóliminiń jań­ǵyrtylǵan ǵımaratymen de tanys­ty. Nysandy kúrdeli jóndeýden ótkizýge oblystyq búd­jetten 53 mln.teńge bólindi. Po­lıseıler úshin jergilikti búdjetten 4 arnaıy mashına satylyp alyndy. Osy kúni Shetpe aýylynda 50 oryndy avtobeket jumys isteı bastady.

Mańǵystaý oblysynyń aýma­ǵyn­da mal sharýashylyǵymen 1128 sýbekt, al egin sharýashy­lyǵy­men 116 sharýa qojalyǵy aınaly­sýda. Oblysta maldy otarlap ósirý tásili otyz jyl buryn qolda­nylǵan, alaıda, nelikten ekeni belgisiz, sońǵy kezderi bul ádis umyt qalǵan. Osy jyly bul dás­túrdi «Kaspıı» JSHS ASHK mal sharýashylyǵy kompanıasy arqyly jandandyrýǵa uıǵarym jasaldy.

– Ákimshilikpen kelisimshart bar, olar bizge jalǵa jer beredi. Mamyrdan bastap Ústirtke 2 myń bas qoı jiberemiz de, olardy baptap kúzde jaılaýǵa jiberip kóremiz. Eger bul baǵdarlama sátti shyqsa, biz ony odan ári keńeıtýge daıynbyz. Meniń oıymsha, Mań­ǵys­taý oblysynda jaılaýǵa jibe­rip qana mal sharýashy­lyǵyn da­mytýǵa bolady, odan basqa tıimdi jol joq. Mal jaılaýda júrgende olarǵa qystyq jaı men jem daıyndap qoıamyz, –dep osy jyldyń basynda, brı­fıngterdiń birinde MK «ASHK Kaspıı» AQ basqarýshy múshesi Ibragım Tagashev aıtqan edi.

Ústirt shoqysyndaǵy qudyq­tar men qunarly jerlerdi paıdalaný esebinen, negizgi jerdegi maldardyń qysqy shóbin saqtap qalý baǵdarlamasy shynymen de sátti boldy. Áleýmettik-kásip­ker­lik korporasıa ony iske asyrýǵa 17 mıllıon teńge bóldi. Bul qarjyǵa Ústirt jaılaýynda materıaldyq-tehnıkalyq baza jabdyqtaldy jáne kıiz úıler, avtokólikter, sýsorǵylar men kún kózi bata­reıleri satyp alyndy.

Mańǵystaý aýdanynyń ákimdigi aýmaǵy 20 myń gektarlyq jer te­limin bólip berdi.

Ústirt shoqysyndaǵy sharýa qojalyǵynda ornalasqan malshylar jumys jasaý jaǵdaıy jyl saıyn jańa deńgeıge kóterilip keledi dep atap ótti. Qyrda arnaıy medısınalyq top pen turaqty veterınarlyq qyzmet jumys jasaıdy.

Qazan aıynyń sońynda, sýyq túskende mal qystaýǵa qaı­ta áke­­li­nedi. Kelesi jyly «Qa­ra­ǵan­­tú­bek» JSHS qosymsha qar­jy­lan­dyrý nátıjesinde «Ústirt sho­qy­synda maldardy otarlap baǵý» baǵdarlamasy boıynsha 3 myń qara­kól jáne edilbaı tuqymdy qoı men 3 myń adaı tuqymdas jylqy alý jos­parlanýda. Sonymen qatar, shópti daıarlaý da Ústirtte júzege asyrylady.

Derekkóz: egemen Qazaqstan