Almatydaǵy Qanysh Sát­baev atyndaǵy Qazaq ulttyq teh­nıkalyq zertteý ýnıversıteti jýyrda «EKSPO–2017: ýnıversıtet jas ǵalymdarynyń úlesi» atty dóńgelek ústel ótkizip, bo­la­shaqtyń aıtýly oqıǵasyna belsene aralasatyndyqtaryn bildirdi.
Kórmege aıryqsha úles qo­sýdy maqsat tutyp otyrǵan ýnı­versıtet magıstranttary men jas ǵalymdary osy jıynda ózderiniń «jasyl» ekonomıka, balamaly energıa kózderin damytý men robototehnıka, ǵarysh salalaryndaǵy ınovasıalyq sheshimderge arnalǵan ǵylymı zertteýlerin usyna aldy.
Jıynda EKSPO-2017 ju­mysyna daıyndyq kezinde iske asyrylatyn jobalar tý­­­­raly aıtylyp, sol joba­lar­dyń biri «Online EXPO-2017» halyqaralyq baıqaýyna usy­nyldy. İrikteý qorytyndysy boıynsha 2015, 2016, 2017 jyldary «Bolashaq energıasy» fo­rýmy sheńberinde shaǵyn kórme ótkiziletin bolady. Ekinshi joba – josparlanǵan jáne usynylǵan is-sharalarda joba taqyryptary keńinen talqylanatyn «G-Global–EXPO» onlaın forýmy.
– Bul kórme bizge erteń bolatyn úlken syn, úlken abyroı. Biz ujymnyń bilikti mamandarymen bolashaq energıasyn jasadyq. Ýnıversıtetimizde ǵylymı-tehnıkalyq baǵdarlamalar jú­zege asyrylýda, osy baǵdar­lamalardyń iske asýyna úles qo­syńyzdar, jas ǵalymdar. EKSPO kórmesine laıyqty jobalardy usynýymyz qajet. Halyqaralyq tájirıbe bo­ıynsha EKSPO kórmesi sıaqty aýqymdy is-sharalardy ótkizý týrızm salasyn ǵana emes, sonymen birge, ekonomıkanyń basqa da salalaryn damytýǵa yqpalyn tıgizedi. Statısıkaǵa súıensek, 1 týrıs ózi kelgen el aýmaǵynda 1,5 myń dollarǵa jýyq qarjyny jumsap, shamamen 6-12 adamdy jumyspen qamtamasyz etedi. Osylaısha, kórmeni ótkizýden alynatyn nátıje orasan zor, – dedi jıyndy ashqan QazUTZÝ-dyń ýákiletti tulǵasy, akademık Ábdikárim Zeınýllın.
Akademıktiń aıtýynsha, jas ǵalymdar aıryqsha jańalyqtar ashýǵa umtylyp otyr. Máselen, qazir osy ýnıversıtette akký­mýlátorly batareıalardy zarádkalaý stansasy jasalyp, synaqtan ótýde.
Sondaı-aq, dóńgelek ústel­de QazUTZÝ-dyń Jastar uıym­dary komıtetiniń tóraǵasy Mádına Erkinovanyń «Bolashaq energıasy QazUTZÝ jas ǵalym­da­­ry­nyń qolynda», «Fızıka-tehnıkalyq ınstıtýty» zert­­­ha­na­synyń meńgerýshisi Nur­lan Toqmoldınniń «Kún elementteri men modýlderiniń tik ıntegrasıalanǵan óndi­risi», Qoldanbaly ekologıa ka­fedrasynyń oqytýshysy Ásel Óserbaevanyń «Balamaly energıa kózderi», BJMjMÓT kafedrasynyń doktoranty Darhan Ybyraıymquldyń «Polımer jáne organıkalyq zattardyń negizinde ıilgish kún batareıalarynyń úlgileri» atty baıandamalary usynyldy.
Oǵan qosa «Robotty tehnıka jáne avtomatıkanyń aqparatty qu­raldary» kafedrasynyń aǵa oqytýshysy Rýslan Útebaev «Almaty qalasyndaǵy elektromobılderge arnalǵan zarádtaý stansalaryn basqarý júıelerin óńdeý jáne zertteý» jobasyn usyndy. Baıandamalar barysynda bas­qa da ǵylymı zertteýler tyń­daldy.

Derekkóz: egemen Qazaqstan