Keshe Prezıdent janyndaǵy Ortalyq komýnıkasıalar qyzmetinde Qazaqstan halqy Assambleıasynyń «Beıbitshilik pen kelisim mádenıeti» II Halyqaralyq medıa-forýmynyń qorytyndysyna arnalǵan brıfıń ótti.

Májilis depýtaty Ahmed Mý­ra­dov, Qazaqstan halqy Assamb­leıasy Hatshylyǵynyń sektor meńgerýshisi Názıpa Shanaı, Eý­ropalyq ıntegrasıa or­ta­lyǵy­nyń dırektory Iýrıı Shev­sov (Belarýs Respýb­lıka­sy), «Ál-Arabıa» telearna­sy­nyń júrgizýshisi, saıasattanýshy Hadj Basel (Sırıa Arab Res­pýb­lıkasy), «Vestı segodná» gaze­tiniń sholýshysy Vladımır Reshe­tov (Latvıa) jáne jýrnalıs-saıasattanýshy, TMD el­deri sarapshylary lıgasynyń múshesi Tofıg Abbasov (Ázer­baı­jan) qatysqan bul jıynda QHA-nyń «Beıbitshilik pen ke­li­sim mádenıeti» II Halyq­aralyq medıa-forýmynyń mańyz­dylyǵy, onda qozǵalǵan máse­lelerdiń ózektiligi áńgime arqaýyna aınaldy.

Birinshi kezekte sóz alǵan Má­jilis depýtaty Ahmed Mýra­dov Prezıdent Nursultan Nazarbaevtyń tapsyrmasyna sáı­kes, Qazaqstan halqy Assambleıa­synyń 20 jyldyǵy aıasynda aýqymdy sharalar atqa­ryl­ǵanyna toqtaldy. Onyń aıtýynsha, Assambleıa qurylǵaly beri halyqpen, jergilikti atqa­rý­shy bılikpen tyǵyz baılanys ornatyp, nátıjeli jumys­tar atqarǵan. Qazirgi tańda etnos­aralyq tatýlyqty júzege asyrý baǵytyndaǵy qazaqstandyq mo­deldiń qalyptasýy osy qoǵam­dyq ınstıtýttyń jemisti qyz­metiniń bir kórinisi.

Sondaı-aq, depýtat Assam­b­leıanyń sheteldik áriptes­teri­men túsinistikpen jumys istep otyr­ǵanyn, Qytaı, Ońtústik Koreıa jáne Reseı syndy memleketterge issaparlar uıymdastyrylǵanyn atap ótti.

Onyń sózine qaraǵanda, «Qazaq­stan halqy Assambleıasy týraly» Zańǵa birqatar ózgerister engiziletin kórinedi.

– «Qazaqstan halqy Assambleıasy týraly» Zańǵa ózgerister men tolyq­tyrýlar engizilmek. Zańǵa engizilgen ózgeriske sáıkes, QHA sesıasynyń sheshimin búkil bılik organdary, Assambleıa músheleri, QHA Keńesiniń músheleri – oblys ákimderi, birqatar memlekettik organdar basshylary oryndaýǵa mindetti. Sondaı-aq, zań talabyna saı, QHA-nyń ótken sesıasynda qoıylǵan mindetterdi júzege asyrý boıynsha jyl saıyn Assambleıa Tóraǵasyna esep berý týraly ózgeris engizildi. Zańdy Senat qabyldady, jaqynda qol qoıylyp, bekitilmek, – dedi depýtat.

Buǵan qosa, ol Qazaqstan halqy As­sambleıasy birlik pen kelisim saq­taý úshin medıasıa isine aralasaty­­nyn, bul óz kezeginde uıym qyzme­tiniń bir bóligi bolatynyn málimdedi.

Basqosýda Iýrıı Shevsov, Hadj Basel, Vladımır Reshetov jáne Tofıg Abbasov forýmnyń joǵary deń­geıde uıymdastyrylǵanyn, mun­daı jıyndardyń óte qajet ekenin aıta otyryp, ózderiniń al­ǵan áserlerimen bólisti. Sonymen qa­tar, olar etnosaralyq tatýlyqty saqtaýdaǵy qazaqstandyq modeldiń artyqshylyqtaryn, tıimdiligin óz elderine jetkizetinderin aıtty. Osy oraıda V.Reshetov:

– Forýmǵa qatysa otyryp, kóp áser aldym. Medıa-forým joǵary deń­geıde ótti. Qazir Qazaqstan hal­qy Assambleıasynyń tájirıbesi álem boıynsha shıelenister kóbeıip turǵan shaqta óte kerek. Latvıada QHA sıaqty qurylym joq. Bizdiń el de kópultty. Elimizde etnostyq uıymdar bar bolǵanymen, olardy biriktiretin qurylym joq. Qazaqstannyń 20 jylǵy tájirıbesi óz aldyna jeke ınstıtýt. Sondyqtan, Qazaqstanda kórgen-bilgenimdi bizdiń jańa Prezıdentke, latvıalyqtarǵa jetkizýge tyrysamyn, – dedi.

Al Qazaqstan halqy Assambleıasy Hatshylyǵynyń sektor meńgerýshisi Názıpa Shanaı óz kezeginde II Ha­lyqaralyq medıa-forýmnyń negizgi maqsatyn sóz etti.

– Keshegi ótken medıa-forým – jýrnalıserge arnalǵan únqatysý alańy boldy. Bul sharanyń ótki­zilýinde ózindik mán bar. Qazirgi tańda bolyp jatqan sharalardyń kóbisi jalpy halyqqa, álemge jýrnalıser arqyly taraıdy. Jýrnalıserdiń qolynda úlken qural, úlken qarý bar. Ol qarý – sóz. Búgingi tańdaǵy ózekti másele, ol medıa mádenıet. Sol másele keshe taldandy. Medıa-forým barysynda kóptegen usynys aıtyldy, – dedi N.Shanaı.

N.Shanaıdyń sózine qaraǵanda, QHA janynan medıasıa ortalyǵyn ashý týraly arnaıy sheshim qabyl­danǵan.

– Qazir medıasıa máselesi óte mańyzdy. Qazaqtyń burynǵy tarıhynda túrme bolmaǵan. Atam zamannan kele jatqan bıler ınstıtýtyna keletin bolsaq, onyń maqsaty – jazalaý emes, biriktirý, tatýlastyrý. Búginde uıym aldynda turǵan negizgi maqsat – medıasıany damytý. Bul máseleni sotqa jetkizbeı sheshýge múmkindik beredi. Al bul máselede jýrnalıserdiń róli erekshe. Sebebi, jýrnalıserdiń aıtyp, jazǵandaryna halyq qulaq túredi, oqıdy. Sondyqtan, Qazaqstan halqy Assambleıasy janynan medıa­sıa ortalyǵyn ashý týraly sheshim qabyldandy, – dedi ol.

Derekkóz: "Egemen Qazaqstan"