Osy aptada janar-jaǵar maı aksızderiniń mólsherlemesi artqan edi. Munyń benzın baǵasyna áseri týraly Ulttyq ekonomıka mınıstri Erbolat Dosaev aıtyp berdi. Bul týraly «Qamshy» portaly habarlaıdy.
Mınıstrdiń oıynsha, janar-jaǵar maı aksızderimólsherlemesiniń artýy men bólshek saýdadaǵy baǵanyń baılanysy bar. ol memleket AI-92,93 benzınderiniń baǵasyn retteýge aralaspaıtynyna nazar aýdartty.
«Biz naryqtyq jaǵdaıda ómir súrýdemiz. AI-92 benzıniniń baǵasy retteletin jerine deıin retteldi. Másele bólshek saýda men kóterme saýda qatysýshylarynyń qarym-qatynasynda. Bólshek saýdaǵa bul qalaı áser etetinin tabıǵı monopolıalardy retteý jáne básekelestikti qorǵaý jónindegi komıtet baqylaıtyn bolady» deıdi E. Dosaev myrza.
Onyń aıtýynsha, aksız mólsherlemeleriniń qymbattaýy kóterme saýdadaǵy baǵanyń qymbattaýynan túsken paıdany tárkileýge baǵyttalǵan. «Aksızderdiń qymbattaýy jergilikti búdjetterge qosymsha kiris bolyp tabylady. Al, benzın baǵasyn biz qadaǵalaıtyn bolamyz. Janar-jaǵar maı jetkizýshi zaýyttarmen kelisilgen baǵa – qazirgi biz kórip otyrǵan baǵa. Qazirgi tańda valúta baǵamynyń ózgerýine baılanysty benzın baǵasy qazir bir qalypta» dep eki ushtylaý pikir bildirgen Ulttyq ekonomıka mınıstri.
