tutynýshylar tarapynan úlken suranysqa ıe

Daǵdarys óziniń sheńgeli men qylburaýyn qansha jerden salsa da, óziniń strategıalyq mindetin jan-jaqty oılastyra bilgen kásiporyndardyń upaıy túgel bolyp qala bermek. Bul óz kezeginde ónim sapasyn jáne onyń qaýipsizdigi men básekege qabilettiligin odan ári kóterý degen sóz. Sonymen bir mezgilde shyǵarylǵan ónimdi ótkizý jónindegi rynok sheńberin saqtap qana qoımaı, ony odan ári ulǵaıtýdy kózdegen kásiporyndarǵa qandaı daǵdarys ta qaýip týǵyza almaıdy.

Oral óńirindegi et-balyq, qus jáne kókónis túrlerin óńdeıtin balamasy joq kásiporyn «Kýbleıdi» dál osy qatarǵa qosa alamyz. Óıt­keni, qazirgi naǵyz daǵdarys jaǵ­daıynda da kásiporynnyń tyny­sy odan ári keńeımese, tary­la qoıǵan joq. Turaqty damý jolyn alǵa ustaı bilgen otan­dyq kompanıanyń elimizdegi ta­maq ónerkásibiniń órkendeýine, ult­tyq asqanamyzdyń órisi ósýine qo­syp otyrǵan úlesi qomaqty. Bıyl mundaǵy ónim óndirý úlesi ót­ken jylmen salystyrǵanda 10-15 paı­yzǵa óskeni osy sózimizdiń dáleli.

Bulaı bolatyn jóni de bar eken. Ekonomıkalyq-qarjy­lyq tur­ǵydan bir yzǵar men salqyn­dyqtyń lebin aldyn ala sez­gen «kýbleılikter» ótken kók­tem men jaz aılarynda óndi­risti órkendetýdiń keń aýqym­dy baǵdarlamasyn jasaq­tap úlgeripti. Soǵan saı tehno­lo­gıalyq jeliler qaıta jaraqtan­dy­rylýdan ótkizilipti. Osy arqy­ly zaýyt konveıerinen buǵan deıin tutynýshylarǵa jol tartqan qalbyrdaǵy taǵam túrleri odan ári kóbeıgen. Osy tusta «Kýbleı» ónimderine aldyn ala muqıat suryptalǵan tabıǵı shıkizat negiz bolatynyn aıta ketken jón.

Búginde ulttyq taǵam­dary­myzdyń artyqshylyǵy men azyqtyq juǵymdylyǵyna, adam aǵzasyna tıgizetin oń áserine jáne onyń ekologıalyq turǵydaǵy jo­ǵary sapalyq qasıetterine Dú­nıejúzilik saýda uıymyna mú­she elder tutynýshylarynyń kóz­derin jetkizip úlgere almaı jat­qanymyz jasyryn emes.

Osy olqylyǵymyzdyń ornyn otandyq kompanıa – «Kýbleı» toltyryp otyr desek shyndyqtan alshaq ketpeımiz. Bul baǵytta kompanıa tehnologtary otandyq jáne sheteldik tutynýshylardyń talap-tilekterin tolyqtaı óteý úshin udaıy izdenister men mar­ke­tıngtik zertteýlerge boı ura bil­di. Sonyń nátıjesinde tek «Kýb­leıdiń» ózine ǵana tán konservi ázirleý reseptisi óndiriske jol tartty. Bul resept – asa baı ult­tyq as ázirleý dástúrlerine sáı­kestendirildi. Eń bastysy, atal­ǵan ónimderdiń aty men zatynan esh kemistik kóre almaısyz.

Mine, qalbyrlarǵa salynǵan «Kýbleıdiń» ónimderine kóz salyp kóreıikshi. Bular «Qazy», «Qarta», «Jal», «Jaıa», «Qazaqsha asylǵan et», «Buqtyrylǵan jylqy eti», «Ázir túski tamaq», «Shujyq» dep jalǵasyp kete beredi. Osy oraıda mundaǵy ujym músheleri arasynda ornyqqan basty ustanymdy da aıta ketken jón. Bul «Juǵymdy tamaq – ult saýlyǵy» delinedi. Qalbyrdaǵy otandyq ónimderdiń taǵy bir artyqshylyǵy – tabı­ǵı­lyǵy men nárliliginde. Asa dám­diliginde. Ásirese, esil ýaqyt jete bermeıtin ot ala qashqan búgin­gideı qym-qýyt kezde ony óte tez paıdalanýǵa bolatyndyǵynda. Qalbyrdyń qaqpasyn qaıyryp, qyzdyra qoısańyz qas pen kózdiń arasynda túski tamaq ázir deı berińiz.

«Kýbleı» – halqymyzdyń ejel­gi ulttyq taǵamdaryn qara qa­zannan jańa túskendeı býy bur­qyraǵan ázir kúıinde qalbyrlap tutynýshyǵa usyný tehnologıasyn tereń túısine bilgen elimizdegi balamasy joq kompanıa. Onyń ónimderiniń ótimdiliginiń basty syry – ekologıalyq turǵydan tazalyǵynda, qandaı da bolmasyn jasandy qospalar men dámdeýishtersiz ázirlenetininde, ári azyq-túlik qaýipsizdiginiń barlyq talaptaryna sáıkes­ti­ginde. Sondyqtan da oǵan ishki jáne syrtqy naryqtarda qashan­da suranys mol. Kásiporyn óz ju­mysyn alǵash bastaǵan kezde tek bir ǵana sıyr etin qalbyr­lap shyǵarǵan bolsa, búginde zaýyttaǵy ázir ónimderdiń túrleri júzden asyp jyǵylady. Ári mun­daǵy konveıerde bir aýy­symda júz myń dana konservi shyǵa­rylady.

Osydan eki jyl buryn Oral qalasyndaǵy «Kýbleı» JSHS kompanıasy Prezıdenttiń «Altyn sapa» syılyǵynyń ıegeri atandy. Buǵan qosa olar ózderi tektes áriptesteri arasynan «Halyq tutynatyn taýar shyǵaratyn úz­dik kásiporyn» atalymyn jeńip aldy. Osy turǵyda kompanıa basshysy Talǵat Berekeshev óz oı-pikirin bylaısha sabaqtady.

– Biz óz ónimderimizben ha­lyq­aralyq kórmelerge jıi qaty­syp turamyz. Bıylǵy jazda Re­seıdiń Máskeý qalasynda ótkizilgen «Prodekspo-2015» XXII ha­lyqaralyq azyq-túlik kór­mesine qatysyp, arnaıy alǵys­hatpen marapattaldyq. Árıne, basty maqsat – marapat alý emes. Ashyǵyn aıtqanda, mun­daı kórmelerdiń jańa baılanys­tar ornatýǵa, bir-birimizden úı­renýge jáne ónim ótkizý keńistigin keńeıtýge tıgizetin paıdasy mol.

Búginde «Kýbleıdiń» kon­ser­vileri Qazaqstannyń barlyq óńirlerine jáne Reseıdiń Batys Qazaqstanmen shekaralas oblystaryna, Túrikmenstan men Qyr­ǵyzstanǵa taralyp otyr. Taıaýda mundaǵy ónim ótkizý aýmaǵy Or, Máskeý, Novosibir jáne Volgograd qalalarymen tolyqtyrylǵan. «Kýbleı» kompanıasy qazirgi kúni jergilikti shıkizatty paıdalaný kózderin ulǵaıtý úshin Oral qalasynyń irgesinen iri mal soıý kesheni qury­lysyn turǵyzý ústinde. Bul ón­diris orny aldaǵy jyldyń basynda aıaqtalady dep kútilýde. Jańa keshen paıdalanýǵa berilgen kezde aýylsharýashylyq ónimderin qal­dyqsyz óńdeý tehnologıasy iske qosylmaq. Iaǵnı, budan da góri túsiniktirek tilmen aıtqan­da, munda teri men súıek-saıaq jáne mal sıraqtary da tereń túrde óńdelmek.

Qazirgi tańda «Kýbleı» kon­veıeri men sehtarynda 400 adam turaqty jumysqa tar­tyl­ǵan. Kompanıa basshysy, halqy­myz­dyń namys­tan jara­tylǵan otanshyl azamattarynyń biri Talǵat Berekeshev olardyń birde-biri qysqartýdyń qamytyna kılikpeıdi dep málimdep otyr.

Derekkóz: Egemen Qazaqstan