Qaraǵandy oblysy ákiminiń orynbasary Asylbek Dúısebaev ákimdik jıynynda jańa jyldyq bezendirýge qarajat bólýge tyıym salý kerek dep málimdegen. Bul týraly «Qamshy» portaly oblys ákimdiginiń baspasóz qyzmetine silteme jasap habarlaıdy.

Asylbek Dúısebaev bul maqsatqa qyrýar qarjy jumsalyp satyp alynǵan byltyrǵy jabdyqtardy paıdalanýdy usynǵan.

Byltyr oblys ortalyǵynda 2272 jańa jaryq dıodty elementter, jańa úlgidegi shyrshalar men shaǵyn arhıtektýralyq pishinder, merekelik oıynshyqtar men bezendirý quraldary alynǵan.

Bıyl birneshe oblys jańa jyldy merekeleý sharalaryna únem jasaýda. Pavlodar ákimdigi bul maqsatqa jyldaǵydan 20 mıllıon teńge kem josparlasa, Aqtaýda bul maqsatqa 49 mıllıon teńge bólingen.