Onyń oryndalýyna qatań partıalyq baqylaý ornatylady

Memlekettik búdjetten qar­jylandyrylǵan baǵdarlamalardyń oryndalýyna kedergi keltirip, qandaı da bir olqylyqtarǵa jol bergender jaýapkershilikke tartylatyn bolady.

Osy týraly «Nur Otan» par­tıa­sy baspasóz ortalyǵynda partıa Tóraǵasy birinshi oryn­ba­sarynyń keńesshisi Q.Jumashev pen partıanyń Ortalyq apparaty Uıymdastyrý baqylaý jumysy departamentiniń dırektory J.Qalıevtiń qatysýymen ótken baspasóz máslıhatynda aıtyldy.

Brıfıń «Nurly Jol» baǵ­dar­lamasynyń júzege asyrylý barysyn qadaǵalaý jáne jergi­likti fılıaldardy nyǵaıtý bo­ıynsha atqarylǵan jumys qory­tyndylaryna arnalǵan bolatyn.

Partıa Ortalyq apparatynyń Uıymdastyrý baqylaý jumysy departamentiniń dırektory Jiger Qalıev qazirgi tańda «Nur­ly Jol» memlekettik baǵdar­lamasynyń júzege asyrylý barysyna partıalyq baqylaý júr­gizýdiń jańa mehanızmderiniń qol­danyla bastaǵany jaı­ly habarlady. Bul baǵyttaǵy ju­mysty retteý maqsatynda arnaıy erejeniń ázirlengenin, osy qujatqa sáıkes memlekettik búd­jetten qarjylandyrylǵan baǵdarlamanyń oryndalýyna kedergi keltirip, olqylyqtarǵa jol bergender jazalanatynyn da aıtty. Al osy baǵyttaǵy ju­mys­qa barlyq deńgeıdegi máslı­hat­tardaǵy partıa fraksıa­larynyń músheleri tartylatyn bolady.

J.Qalıevtiń aıtýynsha, óńir­lerde qoǵamdyq-saıası ahýaldy baqylaý jumystaryn kúsheıtý úshin partıada osy salaǵa monıtorıń júrgizýdiń jańa erejesi ázirlengen.

Sondaı-aq, partıa músheleriniń sapalyq quramynyń taldaýy kórsetkendeı, nurotandyqtardyń qatarynda ekonomıka salasy mamandary, shaǵyn jáne orta bıznes ókilderi, aýyl sharýashylyǵynda eńbektenip jatqandardyń úlesin arttyrý qajet ekendigi anyqtaldy. Osy sanattaǵy azamattardy partıaǵa tarta otyryp, bolashaqta nurotandyqtardyń sanyn 100 myńǵa kóbeıtý josparlanǵan. Kásipkerlerdi partıa qataryna tartyp, olarmen yntymaqtastyqty nyǵaıtý jónindegi sharalar atqarylmaq.

Sońǵy málimetterge sáıkes, qazirgi tańda respýblıka boıynsha «Nur Otan» partıasynyń quramyndaǵy 5665 bastaýysh partıa uıymdarynda (BPU) tirkelgen 870 myńnan astam múshe bar.

Partıanyń bastaýysh uıym­dary qyzmetin nyǵaıtý maqsa­tynda bıylǵy jyl Bastaýysh partıa uıymdarynyń jyly dep jarıalanyp, osy baǵytta naqty is-sharalar atqarylyp keledi. Atap aıtqanda, Qytaı, Malaızıa, Túrkıa jáne Sıngapýr sıaqty birqatar shet memleketterdiń osy baǵyttaǵy ozyq tájirıbeleri saralanyp, bizdiń memleket jaǵdaıynda qoldanýǵa beıim­delip, sonyń negizinde BPU-nyń Tıptik erejesine, BPU jumysyn uıymdastyrý boıynsha ádis­temelik usynymdarǵa tıisti óz­gerister engizildi, sondaı-aq, partıa múshelerin elektrondy derekqorǵa tirkeý jumystary atqaryldy. BPU tóraǵalaryn oqytý semınar-trenıngteri júr­gizilýde, partıanyń aýmaqtyq fılıaldary «BPU kúni» aksıasy aıasynda aptasyna 1 ret BPU-ǵa baryp, olarǵa ádistemelik-tájirıbelik kómek kórsetýde. Odan buryn aıtylǵandaı, BPU-nyń materıaldyq-tehnıkalyq bazasyn nyǵaıtý jónindegi sharalar qoldanylǵan. Osy jumystar týraly partıa Tóraǵasy birinshi orynbasarynyń keńesshisi Qanybek Jumashev habarlady.

Sonymen qatar, onyń aıtýynsha, bıyl eń alǵash ret «Nur Otan» partıasynyń «Úzdik bastaýysh partıa uıymy» respýblıkalyq baıqaýy jarıalanyp, baıqaýdyń 1-shi kezeńiniń qorytyndysy boıynsha 478 bastaýysh uıym 2-shi kezeńge joldama aldy. 2-shi kezeń qorytyndysy boıynsha 45 jeńimpaz baıqaýdyń sońǵy kezeńine ótip, endigi jerde respýblıkalyq baıqaý komısıasynyń sheshimi kútilýde. Q.Jumashev osy baıqaýdyń qorytyndylary keıin habarlanatynyn jetkizdi.

Derekkóz: Egemen Qazaqstan