Táýelsizdiktiń 24 jyldyǵynaoraı, Ońtústik Qazaqstan oblysynda Uly kúndi ulyqtaý merekesi joǵary dárejede toılanýda. Mereke aıasynda oblystyń aýdan, qalalarynda áleýmettik jáne komýnaldyq, jalpy sany, 45 nysan el ıgiligine berildi, - dep habarlaıdy «Qamshy» portaly oblys ákimdiginiń baspasóz qyzmetine silteme jasap.
Egemendik merekesi qarsańynda Túrkistan qalasynda 9 áleýmettik nysan, ıaǵnı, shaharda memlekettik-jeke áriptestik aıasynda 120 oryndyq «Jan-Nur» balabaqshasy men «Jastar men jasóspirimder» ortalyǵy ashyldy. Al qaladaǵy kópqabatty 2 úı ortalyq jylý qazandyǵyna qosylyp, 122 páterge jylý jetti. Budan bólek, Túrkistannyń 6 baǵyttaǵy shyǵa beris kósheleri túgel jaryqtandyrylyp, ortalyq 6 kóshede jańadan elektr baǵanalary sap túzedi. Shahardy kesip ótken «Beıneý-SHymkent» magıstraldy gaz qubyrynan avtomattandyrylǵan gaz taratýshy stansasy men Eski Iqan aýylyna deıin gaz jetkizgish qubyrynyń qurylysy bitti. Sondaı-aq, kıeli mekendegi buǵan deıin maqta egip, mata shyǵaryp, qala berdi maqta maıy men sýsabyn óndirip kelgen «Turan» sharýa qojalyǵy budan bylaı 20 túrli sút ónimderin shyǵaryp, oblys aýmaǵyna satylymǵa shyǵaratyn boldy. Egemendik kúni aıasynda Kentaý qalasynan Túrkistan shaharyna deıin kelgen qubyrdyń sý ótkizgish bóliginiń sý taratqysh qurylǵysynyń qurylysy tolyqtaı aıaqtaldy. Budan bólek, Táýelsizdikke tartý retinde qaladaǵy 30 myń halqy bar «Bekzat» móltek aýdanyndaǵy elektr qýatynyń sapasyn arttyratyn jáne osyndaǵy ındýstrıaldy aımaqqa qajetti 5 mVt elektr qýatyn taratatyn 110/35/10 kV «Komýnalnaıa» qosalqy stansasynyń qurylysy óz mejesine jetip, iske qosyldy. Túrkistanda ashylǵan 9 áleýmettik nysannyń sońǵysy – qaladaǵy sarqyndy sý júıesiniń qurylysy jalǵasyn taýyp, 13 bilim mekemesi, ortalyq kitaphana men halyqqa qyzmet kórsetý ortalyǵy osy júıege qosyldy.
Elimizdiń Táýelsizdigi kúni qarsańynda Tóle bı aýdanynda eki balabaqsha paıdalanýǵa berilip, 3 eldi mekendegi 3 myń otbasy, ıaǵnı 15 myń turǵyn tabıǵı otynmen qamtamasyz etildi.
Merekelik toı-dýman Saryaǵash aýdanynyń eki birdeı bilim berý nysanynyń ashylǵanymen erekshelendi. Aýdandaǵy Oshaqty aýyldyq okrýgine qarasty Sattarov eldi mekeninde 600 oqýshyǵa shaqtalǵan Y.Altynsarın atyndaǵy №104 orta mekteptiń qurylysy bitip, paıdalanýǵa berilse, Jylǵa aýyldyq okrýgine qarasty Sheńgeldi eldi mekeninde memleket pen jekemenshik áriptestigi aıasynda 120 oryndyq balabaqsha ashyldy.
Uly kúndi ulyqtaý toıynda Túlkibas aýdanynda 7 áleýmettik nysan ashylyp, el ıgiligine berildi. Sastóbe poselkesinde 100 oryndyq «Tórejen» balabaqshasy, Kemerbastaý aýyldyq okrýgine qarasty Alǵabas aýylynda medısınalyq beket pen Maılykent eldi mekeninde feldsherlik akýsherlik beket paıdalanýǵa berildi. Sonymen qatar, Kershetas aýyly men M.Járimbetov aýylynda aýyz sýmen qamtamasyz etilse, T.Rysqulov aýylyndaǵy «Jankent» móltek aýdanynda gaz, aýyz sý, elektr energıasy syndy komýnaldyq máseleler tolyq sheshimin tapty. Sondaı-aq, sapaly qyzmet kórsetý maqsatynda T.Rysqulov aýylynda «Alataý» medısınalyq qyzmet kórsetý ortalyǵy ashyldy.
Aıtýly merekede Ordabasy aýdanynda jańa 5 áleýmettik nysan iske qosyldy. Máselen, Temirlan aýylynda 100 oryndyq «Qymbat apa», Shubarsý aýylynda 150 oryndyq «Káýsar-Álı» jáne 100 oryndyq «Nur Mereı» balabaqshalary búldirshinderge esigin aıqara ashty. Sondaı-aq, aýdanda táýligine 250 tonna bıdaı óńdeıtin «Ordabasy nan» dıirmeniniń ekinshi kezeńi iske qosylyp, Yntaly aýylynda feldsherlik-akýsherlik beket halyqqa qyzmet kórsete bastady.
Shaǵalaly Shardarada merekelik tartý retinde bes áleýmettik nysan boı túzedi. Dostyq pen Kóksý aýyldarynan 140 oryndyq, Aqsheńgeldi eldi mekeninen 60 oryndyq mektepke deıingi mekemeniń saltanatty ashylý rásimi ótti. Sondaı-aq, shardaralyqtarǵa Táýelsizdiktiń 24 jyldyǵynyń qurmetine 24 páterli kópqabatty úıdiń kilti tabystaldy. Aýdandaǵy tozyǵy jetken mádenıet saraıy kúrdeli jóndeýden ótip, aýdan turǵyndary úshin kópten kútken ıgilikti is boldy.
Otyrar aýdanynda da el merekesi aıqyn sezildi. Aýdandaǵy SH-9, Shámshi, Qalqabaı-Ebelek kanaldary kúrdeli jóndeýden ótse, Bestorańǵyl eldi mekeni taza aýyz sýmen qamtyldy. Al Maıaqum, Kóksaraı, Qarǵaly jáne Arys aýyldary túngi jaryqtandyrýmen qamtamasyz etildi. Sondaı-aq, Shilik aýylynda jańa ákimshilik ǵımarat paıdalanýǵa berildi.
Azat kúndi toılaý kezinde Sozaq aýdany da mektepke deıingi mekememen tolyqty. Ondaǵy Qumkent aýylynda 75 balaǵa shaqtalǵan «Mahambet» jekemenshik balabaqshasy ashylsa, Qazyǵurt aýdanynyń Sabyr Raqymov aýyl okrýginde 200 oryndyq mádenıet úıi halyqqa qyzmet kórsetýdi bastady. Al oblys ortalyǵy – Shymkentte irgetasy 1930 jyly qalanǵan Shymkent medısına kolejiniń jańa oqý ǵımaraty tusaýyn kesti.
Atalǵan nysandardy paıdalanýǵa berý barysynda oblysta jumys oryndary ashylyp, 500-den astam azamat jumyspen qamtyldy.
