اراب الەمىمەن موڭعول ەلىنىڭ اراسىندا  دوستىق كوپىر بولعان تۇلعا. مونعولياداعى قازاق جاستارىنىڭ شەتەلدە وقۋىنا مۇمكىندىك تۋدىرىپ وتىرعان ۇلتجاندى ازامات. سايرانىڭ وسى باستاماسىمەن موڭگولياداعى  قازاق جاستارى الەمدىك ۇزدىك وقۋ ورىندارىنان ءبىلىم الۋدا. سونداي-اق، «تىرىگە ناماز، ولىگە جانازا بۇيىرماي» قالعان زاماندا يسلام ەلدەرىنەن ءدىني كادىرلار دايىنداتىپ، مەشىت سالدىرىپ، موڭعولياداعى يسلام ءدىنىنىڭ قانات جايۋىنا بارىنشا اتسالىسقان دا وسى ساكەڭ. 1988 جىلدان بەرى موڭگوليا قازاقتارىنا قاجى پارىزىن وتەۋىنە جول اشىپ، تيىسىنشە قاراجات جاعىنان دا كومەكتەسىپ، ۇلكەن ساۋاپتى ىستەرگە مۇرىندىق بولدى.

ول ۇلتتىق سپورتتىڭ دامۋىنا دا ايرىقشا دەن قويعان اتىمتاي ازامات. قازاقتىڭ سايات ونەرىن الەمگە پاش ەتۋ ماقساتىندا ۇلانباتىردىڭ ورتالىعىندا ارنايى شارا ۇيىمداستىرىپ، ءتىپتى، اراب ەلىنەدە التايدىڭ قۇسبەگىلەرىن اپارىپ،   سايات ونەرىنىڭ ابىرويىن اسقاقتقان يگى ىستەرىن ەلى ماقتانىشپەن ايتادى.                              سايران قادىر 1990-2000 جىلدار ارالىعىندا  پارلامەنت دەپۋداتى بولدى. 1997 جىلى موڭعولدىڭ العاشقى پرەزيدەنتى پ.وچيرباتتىڭ جارلىعىمەن  موڭعول ەلىنەن ەگيپەت، اراب رەسبۋليكاسىنا  توتەنشە  جانە وكىلەتتى ەلشى رەتىندە تاعايىنداعان. ول ىلگەرىندى-كەيىندى يزرايل، كاتار، كۋبەيت، ومان، باحرەين، ەميراتتا توتەنشە جانە وكىلەتتى ەلشى بولىپ قىزمەت اتقارعان. پرەزيدەنت ن.ەنحبايار كەزىندە پرەزيدەنت جانىنداعى ءدىني كەڭەس مۇشەسىنە، سونداي-اق  اراب ەلدەرىنە پرەزيدەنتتىڭ ەرەكشە تاپسىرماسىن ورىندايتىن ۋاكىلى بولىپ تاعايىندالعان. سايران قادىر ۇلى ءقازىر كۋۆەيتتە موڭعول ەلشىسى قىزمەتىندە.