2025 جىلعى قاڭتاردا ايلىق ماندەگى ينفلياسيا دەڭگەيى 1،1% قۇرادى (2024 جىلعى جەلتوقساندا - 0،9%). ازىق-تۇلىك تاۋارلارىنىڭ باعاسى 1،4%، اقىلى قىزمەتتەر – 1،1%، ازىق-تۇلىككە جاتپايتىن تاۋارلار باعاسى 0،6% ءوستى.

جىلدىق ينفلياسيا ءمانى 8،9% بولدى. ونىڭ ىشىندە اقىلى قىزمەتتەر باعاسى 13،8%، ازىق-تۇلىككە جاتپايتىن تاۋارلار 8،4%، ازىق-تۇلىك تاۋارلارىنىڭ باعاسى 5،8% ءوستى.

ازىق-تۇلىك تاۋارلارىنان باعا كارتوپقا – 16،4%، قىرىققاباتقا – 8،8%، سارىمساققا – 6،4%، قيارعا – 5،4%، جۇزىمگە – 4،1%، ءتاتتى بۇرىشقا– 3،9%، قىزاناققا – 3،5%، سارى مايعا – 4،1%، كۇنباعىس مايىنا – 3،9%، تۇزدالعان مايشاباققا 3،4% ءوستى. باعانىڭ تومەندەۋى قاراقۇمىق جارماسىنا – 1،5%، اپەلسينگە – 0،8%، كۇرىشكە 0،6% بايقالدى.

تۇرعىن ۇي-كوممۋنالدىق قىزمەتتەر سالاسىندا تولەماقى دوموفونعا – 4،1%، تۇرعىن ءۇيدى كۇتىپ ۇستاۋعا – 2،5%، ورتالىقتان جىلىتۋ تاريفتەرىنە – 2،2%، ىستىق سۋعا – 1،7%، ەلەكتر ەنەرگياسىنا 1% ءوستى. سالەمدەمەلەردى جونەلتۋ بويىنشا قىزمەتتەر – 17،7%، اۆتوساقتاندىرۋ مەن نوتاريۋس قىزمەتتەرى 6،5%-دان قىمباتتادى.

قاڭتاردا تۇرمىستىق بۇيىمدار باعاسى 3،9% ءوستى، اۆتوموبيلدەر – 2،4%، توقىما بۇيىمدار مەن ىدىس-اياققا باعا ءوسىمى 0،8%-دان بايقالدى.

وڭىرلەر ىشىندە ەڭ جوعارى ايلىق ينفلياسيا اتىراۋ وبلىسىندا – 2،2% (ورتاشا رەسپۋبليكالىق دەڭگەيدەن 1،1 پ.ت. جوعارى)، ەڭ تومەنى الماتى قالاسى مەن تۇركىستان وبلىسىندا – 0،7%-دان تىركەلدى.

وڭىرلەر بولىنىسىندە ازىق-تۇلىك تاۋارلارى بويىنشا ەڭ جوعارى ءوسىم جامبىل وبلىسىندا – 2،1%، ازىق-تۇلىك ەمەس تاۋارلار بويىنشا باتىس قازاقستان وبلىسىندا – 1،5%، اقىلى قىزمەتتەر بويىنشا اتىراۋ وبلىسىندا 5،5% ءوستى.

2025 جىلعى قاڭتاردا جىلدىق ماندە ينفلياسيا دەڭگەيى 8،9% قۇرادى. اقىلى قىزمەتتەر باعاسى – 13،8%، ازىق-تۇلىك ەمەس تاۋارلاردىڭ باعاسى – 8،4%، ازىق-تۇلىك تاۋارلارىنىڭ باعاسى 5،8% جوعارىلادى.

2024 جىلعى قاڭتارمەن سالىستىرعاندا سۋىق سۋعا تاريفتەر – 43،2%، سۋ بۇرۋعا – 26،1%، ورتالىقتان جىلىتۋعا – 23،1%، ىستىق سۋعا – 21،3%، ەلەكتر ەنەرگياسىنا – 18،9%، قوقىس شىعارۋعا 10،3% جوعارىلادى. ۇيالى بايلانىس قىزمەتتەرى – 27%، تەمىرجول جولاۋشىلار كولىگى – 18،6%، سالەمدەمەلەر جىبەرۋ – 17،7%، مەديسينالىق زەرتحانالار مەن دياگنوستيكالىق زەرتتەۋلەر قىزمەتى 17،4% قىمباتتادى.

نوۋتبۋك باعاسى – 66،2%، اس ءۇي پەشى – 55،9%، پلانشەت 45،9% ءوستى. باعانىڭ ءوسۋى كورۆالولعا – 30،7%، كانەفرونعا – 27،9%، اسيكلوۆيرگە 18% بايقالدى. كارتوپ – 59،3%، پياز – 25،1%، ءزايتۇن مايى – 21،7%، سارىمساق، ءتاتتى بۇرىش 15،4%-دان قىمباتتادى. كەرىسىنشە، قاراقۇمىق جارماسى جىلدىق ماندە – 21،6%، ليمون – 6،9%، ءجۇزىم – 4،6%، ءسابىز 5،3% ارزاندادى.