اتالعان ءىس-شارا اياسىندا كورەرمەندەر قازاقستان مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن فيلمدەرمەن تانىسا الادى.
كينو كورسەتىلىمدەرى قاراعاندى قالاسىنان باستالدى. الداعى ۋاقىتتا باسقا دا قالالار مەن اۋىلدىق ەلدى مەكەندەردى قامتيدى.
مادەنيەت جانە اقپارات مينيسترلىگىنىڭ باسپا ءسوز قىزمەتى مالىمەتىنشە، باستامانىڭ ماقساتى – قازاقستاندىق كينەماتوگرافتى ناسيحاتتاۋ جانە كەڭ اۋديتورياعا وتاندىق رەجيسسەرلەردىڭ تۋىندىلارىن تاماشالاۋ مۇمكىندىگىن ۇسىنۋ. اسىرەسە، اۋىل تۇرعىندارىنىڭ قاتىسۋىنا ەرەكشە نازار اۋدارىلدى. وسىلايشا، ولارعا قازىرگى قازاق كينوسىنىڭ ۇزدىك شىعارمالارىن كورۋگە مۇمكىندىك بەرىلدى.
باعدارلامادا ەلىمىزدىڭ مادەني ەرەكشەلىكتەرى مەن وزەكتى ماسەلەلەرىن ارقاۋ ەتكەن ءارتۇرلى جانرداعى فيلمدەر ۇسىنىلادى. ولاردىڭ قاتارىندا «جامبىل. جاڭا ءداۋىر»، «دوس-مۇقاسان»، «وپەراسيا نابات»، «ۆرەميا پاتريوتوۆ» جانە باسقا دا كارتينالار بار.
ءار ءفيلمنىڭ وزىندىك تەرەڭ ماعىناسى بار جانە ءتۇرلى جاستاعى كورەرمەندەرگە ارنالعان. سونداي-اق، كىشكەنتاي كورەرمەندەر ءۇشىن «تايقازان» انيماسيالىق ءفيلمى كورسەتىلەدى.
ايتا كەتەيىك، بيىل وننان استام جاڭا وتاندىق ءفيلمنىڭ شىعۋى جوسپارلانعان. بۇل ءسوزسىز، قازاقستاندىق كينو ونەرىنىڭ جانكۇيەرلەرى ءۇشىن قۋانىشتى جاڭالىق.
پىكىر قالدىرۋ